മാഡ്രിഡ്: സ്പാനിഷ് കിംഗ്സ് കപ്പിന്റെ സെമി ഫൈനലില് ബാഴ്സലോണ റയല് മാഡ്രിഡിനെ നേരിടും. രണ്ടിനെതിരെ നാലുഗോളുകള്ക്ക് മലാഗയെ തോല്പിച്ച് ബാഴ്സലോണ സെമിഫൈനലില് കടന്നു. വലന്സിയയെ 3-1ന് തോല്പ്പിച്ചാണ് റയല് മാഡ്രിഡ് സെമിയില് കടന്നത്. ബാഴ്സയ്ക്കുവേണ്ടി ലയണല് മെസി, പെഡ്രോ, ജെറാഡ് പിക്യു, ഇനിയേസ്റ്റ എന്നിവര് ഗോളുകള് നേടി. ബാഴ്സയോട് തോറ്റെങ്കിലും ഒരു ഘട്ടത്തില് ഇഞ്ചോടിഞ്ച് പോരാട്ടമാണ് മലാഗ നടത്തിയത്.
