ശനിയാഴ്ച വിവാഹിതനാകാനിരുന്ന നൈജീരിയന്‍ ഫുട്ബോള് താരം ഒലുബായോ അഡെഫെമി(25) കാറപകടത്തില്‍ മരിച്ചു. ഗ്രീസില്‍ വച്ചായിരുന്നു അപകടം നടന്നത്. വിവാഹവുമായി ബന്ധപ്പെട്ട അവശ്യങ്ങള്‍ക്കായി പോകുമ്പോഴായിരുന്നു അപകടം.
ഗ്രീക് ടീമായ സ്കോഡാ സാന്തിയുടെ കളിക്കാരനാണ് ഇയാള്‍. 2008 ബെയ്ജിംഗ് ഒളിമ്പിക്സില്‍ വെള്ളി മെഡല്‍ നേടിയ നൈജീരിയന്‍ ടീമില്‍ അഡെഫെമിയും അംഗമായിരുന്നു.
ടെല്‍ അവീവ്, റാപ്പിഡ് ബുക്കാറസ്റ്റി, ഹാപ്പോല്‍ ജറിസലേം തുടങ്ങിയ പ്രമുഖ ടീമുകള്‍ക്ക് വേണ്ടിയും ബൂട്ടണിഞ്ഞിട്ടുണ്ട്.
