ലോകത്തിലെ പഴക്കമുള്ളതും ടെന്നീസ് കളിക്കാര്‍ ഏറെ വിലമതിക്കുന്നതുമായ ഒരു ടെന്നീസ് ടൂര്‍ണമെന്റാണ്‌ വിംബിള്ഡണ് ചാമ്പ്യന്ഷിപ്പ്. സമ്മാനത്തുക ഒറ്റയടിക്ക് വര്‍ദ്ധിപ്പിച്ച് ഏകദേശം 34.4 ദശലക്ഷം ഡോളര്‍ സമ്മാനത്തുകയായി നല്‍കി ശ്രദ്ധേയമാവുകയാണ് വിംബിള്ഡണ് ടൂര്‍ണമെന്റും.
ലണ്ടനിലെ ഓള്‍ ഇംഗ്ലണ്ട് ക്ലബ്ബിലാണ് ഈ മത്സരം നടത്തുന്നത്. പുല്‍ വിരിച്ച കോര്‍ട്ടില്‍ നടക്കുന്ന ഏക ഗ്രാന്റ്സ്ലാം ടൂര്‍ണമെന്റാണിത് എന്ന പ്രത്യേകതയുമുണ്ട്.
എല്ലാ വര്‍ഷവും ജൂണ്‍ മാസത്തിലെ അവസാനത്തെയും ജൂലൈ മാസത്തിലെ ആദ്യത്തേയും ആഴ്ചകളിലായിട്ടാണ്‌ മത്സരം നടക്കുക. പുരുഷവിഭാഗം സിംഗില്‍സ് ഫൈനലോടെ വിംബിള്ഡണ് അവസാനിക്കുന്നു. എല്ലാ വര്‍ഷവും 5 പ്രധാന ഇനങ്ങളിലും 4 ജൂനിയര്‍ ഇനങ്ങളിലും 4 ക്ഷണിക്കപ്പെട്ടവര്‍ക്കുള്ള ഇനങ്ങളിലും മത്സരം നടക്കുന്നു.
