കേരള ബധിര കൌണ്‍സിലിന്‍റെ ആഭിമുഖ്യത്തില്‍ നടന്ന പതിനാറാമത് സംസ്ഥാന ബധിര കായികമേളയില്‍ എറണാകുളത്തിനു ഓവറോള്‍ കിരീടം. പത്തനം തിട്ടയെ തകര്‍ത്ത് 206 പോയിന്‍റുമായിട്ടാണ് എറണാകുളം ഉയര്‍ന്നത്.
കോട്ടയം മലപ്പുറം ജില്ലകള്‍ക്കാണ് രണ്ടും മൂന്നും സ്ഥാനം. രണ്ടാം സ്ഥാനത്തുള്ള കോട്ടയത്തിനു 154 പോയിന്‍റു നേടാനെ കഴിഞ്ഞുള്ളൂ. മലപ്പുറത്തിനു 115 പോയിന്‍റുണ്ട്.
കഴിഞ്ഞ ഒന്നാം സ്ഥാനക്കാരായ പത്തനംതിട്ടയ്‌ക്ക് നാലാം സ്ഥാനത്താകാനേ കഴിഞ്ഞുള്ളൂ. അതേ സമയം അത്‌‌ലറ്റിക്‍സില്‍ അവര്‍ മൂന്നാമതായി. എറണാകുളം 200 പോയിന്‍റു നേടി ഒന്നാമതെത്തിയപ്പോള്‍ മലപ്പുറം 109, പത്തനം തിട്ട 98 പോയിന്‍റുകള്‍ വീതം നേടി.
പെണ്‍കുട്ടികളുടെ വിഭാഗത്തില്‍ എറണാകുളം 127 പോയിന്‍റുകള്‍ കരസ്ഥമാക്കിയപ്പോള്‍ കോട്ടയം 55 പോയിന്‍റുമായിം കണ്ണൂര്‍ 39 പോയിന്‍റുമായും രണ്ടും മൂന്നും സ്ഥാനത്തായി. ആണ്‍കുട്ടികളില്‍ 102 പോയിന്‍റുള്ള മലപ്പുറത്തിനാണ് ഒന്നാം സ്ഥാനം. എറണാകുളം 72 പോയിന്‍റും പത്തനം തിട്ട 69 പോയിന്‍റും നേടി.
