ഇന്ത്യയുടെ ലിയാന്‍ഡര്‍ പേസ്- മഹേഷ് ഭൂപതി സഖ്യം ഓട്രേലിയന്‍ ഓപ്പണ് ടെന്നീസ് ടൂര്‍ണമെന്റിന്റെ സെമിയില്‍ കടന്നു. ഫ്രഞ്ച് താരം മൈക്കല്‍ ലോര്‍ദ- സെര്‍ബിയയുടെ നെനദ് സിമോനിക് സഖ്യത്തെ പരാജയപ്പെടുത്തിയാണ് ഇന്ത്യന്‍ സംഖ്യം സെമിയിലേക്ക് യോഗ്യത നേടിയത്. 6-4, 6-4 എന്നീ സെറ്റുകള്‍ക്കാണ് ഇന്ത്യന്‍ സഖ്യത്തിന്റെ വിജയം.
പുരുഷ സിംഗിള്‍ വിഭാഗത്തില്‍ ലോക രണ്ടാം നമ്പര്‍ റോജര്‍ ഫെഡറര്‍ ഓസ്ട്രേലിയന് ഓപ്പണ് ടെന്നിസ് സെമിഫൈനല്‍ പ്രവേശിച്ചു. ക്വാര്‍ട്ടറില്‍ നാട്ടുകാരനായ സ്റ്റാന്‍സിലസ് വാവ്‌റിങ്കയെയാണ് ഫെഡറര്‍ നേരിട്ടുള്ള സെറ്റുകള്‍ക്ക് തോല്‍പിച്ചത്. നൊവാക് ദ്യോകോവിച്ചിനെയാണ് ഫെഡറര്‍ സെമിയില്‍ നേരിടുക.
