ദേശീയ സീനിയര്‍ വോളിബോള്‍ ചാംപ്യന്‍ഷിപ്പില്‍ കേരള വനിതകള്‍ ഫൈനലില്‍ കടന്നു. ഫൈനലില്‍ ഇന്നു കേരളം റയില്‍വേസുമായി ഏറ്റുമുട്ടും. കഴിഞ്ഞ അഞ്ചു വര്‍ഷമായി റയില്‍വേസ് ചാംപ്യന്‍മാരും കേരളം റണ്ണേഴ്സ്അപ്പുമാണ്. ഇത്തവണ കപ്പ് കൊണ്ടുപോവുക എന്ന ലക്ഷ്യവുമായി കേരളം കഠിനമായി പരിശ്രമിച്ചിട്ടുണ്ട്. ബംഗാളിനെ സെമിയില്‍ തോല്‍പ്പിച്ചാണ് (25-17, 25-14, 25-14) വനിതകള്‍ ഫൈനലില്‍ എത്തിയത്.

ബംഗാളിനെതിരായ തകര്‍പ്പാന്‍ പ്രകടനങ്ങള്‍ കേരളത്തിന്റെ ആത്മ വിശ്വാസം വര്‍ദ്ധിപ്പിച്ചിട്ടുണ്ട്. എന്നാല്‍ കേരളത്തിന് മത്സരത്തിലുടനീളം ശക്തമായ പ്രതിരോധം നേരിടേണ്ടി വന്നിട്ടില്ല. തേസമയം റെയില്‍‌വേസിലുള്ളതില്‍ അധികം പേരും കേരളത്തില്‍ നിന്നുള്ളവരുമാണ്. അതിനാല്‍ പോരാട്ടം കടുക്കുമെന്നുറപ്പ്.

അതേ സമയം, പുരുഷ വിഭാഗത്തില്‍ കേരളം സെമിയില്‍ പുറത്തായി. തമിഴ്നാടിനോടാണ് കേരളം പരാജയപ്പെട്ടത്. പുരുഷ വിഭാഗത്തില്‍ തമിഴ്നാടിനെതിരെ ഒന്നും ചെയ്യാനാകാതെയായിരുന്നു കേരളത്തിന്റെ കീഴടങ്ങല്‍ (15-25, 16-25, 16-25). തമിഴ്നാടും റയില്‍വേസും തമ്മിലാണു ഫൈനല്‍.

മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക്
ചെയ്യുക. ഫേസ്ബുക്കിലും ട്വിറ്ററിലും പിന്തുടരുക.