81 കിലോഗ്രാമിന് മുകളിലുള്ളവരുടെ ഹെവി വെയ്റ്റ് വിഭാഗത്തിലായിരുന്നു ലേഖ മത്സരിച്ചത്. എന്നാല്‍, ലേഖയെക്കാള്‍ ഉയരമുണ്ടായിരുന്ന ജാര്‍ഖണ്ഡ് താരം സ്വപ്നപ്രിയ ഉയരം ആനുകൂല്യമാക്കിയപ്പോള്‍ തുടക്കം മുതല്‍ ലേഖയ്ക്ക് പിഴച്ചു. പലപ്പോഴും ഇടി വാങ്ങിച്ചു കൂട്ടിയ ലേഖ മൂന്നാം റൌണ്ടില്‍ മാത്രമാണ് കൃത്യമായ പഞ്ചിലൂടെ ഒരു പോയിന്റ് കരസ്ഥമാക്കിയത്.
വ്യാഴാഴ്ച കേരളത്തിന് ഒരു ഇനത്തിലും സ്വര്‍ണം നേടാന്‍ കഴിഞ്ഞില്ല. വനിതാ വിഭാഗം സൈക്ലിംഗ് ടീം ഇനത്തില്‍ വെള്ളിയും കയാക്കിംഗില്‍ വെങ്കലവും നേടാന്‍ മാത്രമാണ് കഴിഞ്ഞദിവസം കേരളത്തിന് കഴിഞ്ഞത്. ഇതോടെ മൊത്തം 27 സ്വര്‍ണവും 25 വെള്ളിയും 26 വെങ്കലവുമായി കേരളം ആറാം സ്ഥാനത്തെത്തി.
