ടെന്നിസിലെ ഇതിഹാസ താരമായ റോജര് ഫെഡററുടെ നേട്ടങ്ങള് മഹത്തരമാണെന്നാണ് സൂപ്പര്‍ താരം റാഫേല് നദാലിന്റെ പരാമര്‍ശം. സ്വിസ് താരം ഫെഡററെ സ്പാനിഷ് താരം നദാല് വാനോളമാണ് പുകഴ്ത്തിയത്.
പതിനേഴ് ഗ്രാന്‍ഡ്‌സ്ലാം സ്വന്തമാക്കിയ ഫെഡററുടെ നേട്ടത്തിനൊപ്പമെത്തണമെങ്കില്‍ അടുത്ത നാല് വര്‍ഷം കൂടി ഫോം നിലനിറുത്താനായാല്‍ മാത്രമേ തനിക്ക് അതിന് സാധിക്കൂവെന്ന് നദാല് പറഞ്ഞു. 27 കാരനായ നദാല് 13 ഗ്രാന്‍ഡ്സ്ലാമുകള്‍ സ്വന്തമാക്കിയിട്ടുണ്ട്.
ഫെഡററെ മറികടക്കുകയല്ല തന്റെ കരിയറിലെ പ്രധാന ലക്ഷ്യമെന്നും ഇതുവരെയുള്ള കരിയറിലേക്ക് തിരിഞ്ഞ് നോക്കുമ്പോള്‍ ഏറെ അഭിമാനമുണ്ടെന്നും നദാല് പറഞ്ഞു.
