അനുബന്ധ വാര്ത്തകള്
- മമ്മൂട്ടിച്ചിത്രം ‘ആയുഷ്മാന് ഭവഃ’; പടം സൂപ്പര്ഹിറ്റ് ആകുമായിരുന്നു, പക്ഷേ...
- ആഗസ്റ്റ് 1 കാരണം മമ്മൂട്ടി ‘വ്യൂഹം’ വേണ്ടെന്നുവച്ചു !
- ബിജെപിയിൽ ചേരണമെന്ന് മുൻ ബിജെപി എം പി, വേണമെന്നില്ലെന്ന് നയൻതാര !
- വിക്രം ലാന്ഡര് എവിടെയാണെന്ന് നേരത്തെ തന്നെ കണ്ടെത്തിയിരുന്നു; നാസയെ തള്ളി ഐഎസ്ആര്ഒ
- നയൻതാര - വീണിടത്ത് നിന്നും ഉയർത്തെഴുന്നേറ്റ ഫീനിക്സ് പക്ഷി !
മാഘമാസത്തിലെ കറുത്ത പക്ഷത്തില്, ചതുര്ദശി രാത്രിയില്...
.
പുരാണങ്ങളില് ശിവരാത്രിയുമായി ബന്ധപ്പെടുത്തി രണ്ട് ഐതീഹ്യങ്ങളുണ്ട്. പാലാഴി മഥനം നടത്തുമ്പോഴുണ്ടായ ഹലാലവിഷം ലോകരക്ഷയ്ക്കായി ശ്രീ മഹാദേവന് പാനം ചെയ്തു. ആ വിഷം ഭഗവാന് ബാധിക്കാതിരിക്കാന് ഏവരും ഉറങ്ങാതെ വ്രതം അനുഷ്ഠിച്ചു പ്രാര്ത്ഥിച്ചു. പരമശിവന് വിഷപാനം ചെയ്ത രാത്രിയാണ് ശിവരാത്രിയായി ആഘോഷിക്കുന്നത്. ഈ ദിവസം വ്രതമനുഷ്ഠിക്കാന് നിര്ദ്ദേശിച്ചത് ഭഗവാന് തന്നെയാണെന്ന് ഭക്തജനങ്ങള് വിശ്വസിക്കുന്നു.
മഹാവിഷ്ണുവിനേയും ശിവനേയും ബ്രഹ്മാവിനേയും ബന്ധപ്പെടുത്തിയാണ് മറ്റൊരു ഐതീഹ്യം. മഹാവിഷ്ണുവിന്റെ നാഭിയില് നിന്നും മുളച്ച് വന്ന താമരയില് ബ്രഹ്മാവ് ജന്മമെടുത്തു. വിശാലമായ ജലപ്പരപ്പില്ക്കൂടി സഞ്ചരിച്ച ബ്രഹ്മാവിന് വിഷ്ണുവിനെ മാത്രമേ കാണാന് കഴിഞ്ഞുള്ളു. നീ ആരാണ് എന്ന ചോദ്യത്തിന് നിന്റെ പിതാവായ വിഷ്ണു ആണ് ഞാന് എന്ന ഉത്തരം ബ്രഹ്മാവിന് തൃപ്തി നല്കിയില്ല.
അവര് തമ്മില് യുദ്ധം ആരംഭിച്ചു. ഒരു ശിവലിംഗം അവര്ക്ക് മധ്യേ പ്രത്യക്ഷപ്പെട്ടു. അതിന്റെ മേലഗ്രവും കീഴഗ്രവും ദൃശ്യമായിരുന്നില്ല. അഗ്രങ്ങള് കണ്ട് പിടിക്കാന് ബ്രഹ്മാവ് മുകളിലേക്കും വിഷ്ണു താഴേക്കും സഞ്ചരിച്ചു. വളരെ സഞ്ചരിച്ചിട്ടും ഉദ്ദേശം ഫലിക്കാതെ രണ്ട് പേരും പൂര്വസ്ഥാനത്ത് വന്ന് നിന്നു. അപ്പോള് ശിവന് പ്രത്യക്ഷപ്പെട്ട് തന്റെ നിരതിശയമായ പ്രാധാന്യത്തെ അറിയിച്ചു.
ശിവന് പ്രത്യക്ഷപ്പെട്ടത് മാഘമാസത്തിലെ കറുത്ത പക്ഷത്തില് ചതുര്ദശി രാത്രിയിലായിരുന്നു. മേലില് എല്ലാ വര്ഷവും ഈ രാത്രി ഒരു വ്രതമായി അനുഷ്ടിക്കണമെന്നും അതിന് ശിവരാത്രി വ്രതം എന്നായിരിക്കും പേരെന്നും ശിവന് അരുളിചെയ്തു.
