ചിക്കാഗോ:,19/ജൂലായ്2003: ചിക്കാഗോ നഗരമായ നാപര്‍വില്ലിയുടെ വിശിഷ്ട പൗരത്വത്തിന് മാതാ അമൃതാനന്ദമയി അര്‍ഹയായി. അമൃതാനന്ദമയിയുടെ ചിക്കാഗോ പര്യടനത്തിനിടെയാണ് നാപര്‍വില്ലി വിശിഷ്ട പൗരത്വം നല്‍കി ആദരിച്ചത്.
അമേരിക്ക സന്ദര്‍ശിക്കുന്ന അമൃതാനന്ദമയിയെ സ്വാഗതം ചെയ്ത നാപര്‍വില്ലിയുടെ മേയര്‍ ജോര്‍ജ് പ്രദേല്‍ ആ ദിവ്യ സാന്നിധ്യത്തിന് കൃതജ്ഞത പറഞ്ഞു. ആത്മീയതയുടെ സന്ദേശം അരുള്‍ ചെയ്യുന്ന മാതാ അമൃതാനന്ദമയിയ്ക്ക് നാപര്‍വില്ലിയുടെ വിശിഷ്ട പൗരത്വം നല്‍കുന്നതായി മേയര്‍ പ്രഖ്യാപിച്ചു.
വിശിഷ്ട പൗരത്വത്തിനുള്ള ഔദ്യോഗിക സര്‍ട്ടിഫിക്ക് അമൃതാനന്ദമയിയ്ക്ക് നല്‍കിയ മേയര്‍ നാപര്‍വില്ലി അമ്മയുടെ സാന്ത്വനിപ്പിക്കുന്ന ആലിംഗനത്തിന് കൊതിക്കുന്നതായി അറിയിച്ചു.
