നെല്‍വിന്‍ വില്‍സണ്‍|
Last Modified വ്യാഴം, 22 ഏപ്രില്‍ 2021 (14:48 IST)
പരസ്ത്രീ ബന്ധമുണ്ടെന്ന് സംശയം തോന്നിയതിനെ തുടര്‍ന്ന് ഭര്‍ത്താവിനെ കഞ്ചാവ് കേസില്‍ കുടുക്കി ഭാര്യ. യുപി സ്വദേശിനിയും ഫരീദാബാദില്‍ താമസക്കാരിയുമായ യുവതിയാണ് ഓട്ടോ ഡ്രൈവറായ ഭര്‍ത്താവിനെ കഞ്ചാവ് കേസില്‍ കുടുക്കിയത്.
യുവതിയുടെ ഭര്‍ത്താവ് ഓട്ടോ ഡ്രൈവറാണ്. ഫദീദാബാദ് എസ്ജിഎം നഗറിലാണ് ഇരുവരും താമസിക്കുന്നത്. ഓട്ടോയുമായി രാവിലെ വീട്ടില്‍ നിന്ന് പോയാല്‍ പിന്നെ രാത്രിയാണ് തിരിച്ചെത്തുന്നത്. ഈയിടെയായി പല ദിവസങ്ങളിലും രാത്രി വീട്ടിലെത്തിയിരുന്നില്ല. ഭര്‍ത്താവ് വീട്ടിലെത്താതെ വന്നതോടെ യുവതിക്ക് സംശയമായി. ഭര്‍ത്താവിന് മറ്റൊരു സ്ത്രീയുമായി ബന്ധമുണ്ടെന്ന് യുവതി ആരോപിച്ചു. ഇക്കാര്യത്തെ ചൊല്ലി ഭാര്യയും ഭര്‍ത്താവും തമ്മില്‍ വഴക്കുണ്ടായി. ഭര്‍ത്താവിനോട് പ്രതികാരം ചെയ്യണമെന്ന് യുവതി ഉറപ്പിച്ചു. ഇതേതുടര്‍ന്നാണ് ഭര്‍ത്താവിനെ കഞ്ചാവ് കേസില്‍ കുടുക്കാന്‍ പദ്ധതി തയ്യാറാക്കിയത്.
ഭര്‍ത്താവിന്റെ ഓട്ടോറിക്ഷയില്‍ യുവതി കഞ്ചാവ് ഒളിപ്പിച്ചുവച്ചു. ഇതിനായി 700 ഗ്രാം കഞ്ചാവ് യുവതി വാങ്ങി. ഭര്‍ത്താവ് അറിയാതെ ഓട്ടോയില്‍ കൊണ്ടുവച്ചു. അതിനുശേഷം യുവതി തന്നെ പൊലീസിനെ വിളിച്ചു കാര്യം അറിയിച്ചു. ഓട്ടോറിക്ഷയില്‍ കഞ്ചാവ് കടത്തുന്നുണ്ടെന്നാണ് യുവതി പൊലീസ് സ്റ്റേഷനിലേക്ക് വിളിച്ചുപറഞ്ഞത്.
