ലോക്ക് ഡൗണില്‍ ജോലി നഷ്ടമായിതിനെ തുടര്‍ന്ന് ഭാര്യ ഗൃഹനാഥനെ കൊലപ്പെടുത്തി. മധ്യപ്രദേശിലെ ഖാണ്‍ഡ്വായിലാണ് സംഭവം. ജോലി ഇല്ലാതായതിനെ തുടര്‍ന്ന് രമേശ് എന്നയാളെ ഭാര്യ ലീലയും ഭാര്യമാതാവ് പ്രേം ഭായിയും ചേര്‍ന്ന് മര്‍ദ്ദിക്കുന്നത് പതിവായിരുന്നു. കഴിഞ്ഞ 24-ാം തിയതിയായിരുന്നു ഗുരുതരമായി പരിക്കേറ്റ രമേശിനെ ആശുപത്രിയില്‍ പ്രവേശിപ്പിക്കുന്നത്.

ഗുരുതരമായി മര്‍ദ്ദിക്കപ്പെട്ട് അവശനായി കിടന്നിരുന്ന രമേശിനെ സഹോദരനും അമ്മയും ചേര്‍ന്നാണ് ആശുപത്രിയില്‍ എത്തിക്കുന്നത്. ചികിത്സയിലിരിക്കെ 27-ാംതിയതി രമേശ് മരണത്തിന് കീഴടങ്ങി. രമേശിന്റെ മരണമൊഴിയുടെ അടിസ്ഥാനത്തില്‍ ശനിയാഴ്ച ലീലയേയും പ്രേം ഭായിയേയും പൊലീസ് അറസ്റ്റുചെയ്തു.