സിആര്‍ രവിചന്ദ്രന്‍|
Last Modified ബുധന്‍, 29 സെപ്‌റ്റംബര്‍ 2021 (08:58 IST)
കോണ്‍ഗ്രസ് ഹൈക്കമാന്റിന് കേരള നേതൃത്വത്തോട് അതൃപ്തിയെന്ന് സൂചന. ഇന്ന് വയനാടെത്തുന്ന രാഹുല്‍ ഗാന്ധി ഇക്കാര്യങ്ങള്‍ കേരളത്തിലെ നേതാക്കളുമായി ചര്‍ച്ച നടത്തും. വിഎം സുധീരന്റെ രാജിയും മുല്ലപ്പള്ളിയുടെ പരാതിയുമൊക്കെ നിരവധി വിഷയങ്ങള്‍ രാഹുല്‍ ഗാന്ധി ഇന്ന് ചര്‍ച്ചചെയ്യും.
രാവിലെ 8.30നാണ് കരിപ്പൂര്‍ വിമാനത്താവളത്തില്‍ രാഹുല്‍ഗാന്ധി എത്തുന്നത്. രാഹുലിനെ സ്വീകരിക്കാന്‍ പ്രതിപക്ഷനേതാവ് വിഡി സതീശനും കെപിസിസി പ്രസിഡന്റ് കെ സുധാകരനും എത്തും. വിവിധ പരിപാടികള്‍ക്കു ശേഷം കടവ് റിസോര്‍ട്ടില്‍ നേതാക്കള്‍ തമ്മില്‍ ചര്‍ച്ചകള്‍ നടത്തും. എ ഐസിസി ജനറല്‍ സെക്രട്ടറി കെസി വേണുഗോപാലും രാഹുല്‍ ഗാന്ധിക്കൊപ്പം വരുന്നുണ്ട്. നാളെ രാവിലെയാണ് മടങ്ങുന്നത്.
