പാരീസ് ഒളിമ്പിക്‌സില്‍ 16 ഇനങ്ങളില്‍ മത്സരിക്കാന്‍ 113 പേരുമായി ഇന്ത്യ പാരീസിലേക്ക് വിമാനം കയറുകയാണ്. കഴിഞ്ഞ ടോക്യോ ഒളിമ്പിക്‌സില്‍ ഇന്ത്യയുടെ സ്ഥാനം 48ാമതായിരുന്നു. അന്ന് ഒരു സ്വര്‍ണവും രണ്ടുവെള്ളിയും നാലുവെങ്കലവുമായിരുന്നു ഇന്ത്യക്ക് നേടാന്‍ സാധിച്ചത്. 125 വര്‍ഷത്തിനിടെ ഒളിമ്പിക്‌സില്‍ ഇന്ത്യക്ക് നേടാനായത് ആകെ 10 സ്വര്‍ണവും ഒന്‍പത് വെള്ളിയും മാത്രമാണ്.

അതേസമയം ഇത്തവണ ഇന്ത്യന്‍ ടീമില്‍ ഏഴുമലയാളികള്‍ ഉണ്ട്. കഴിഞ്ഞ തവണത്തെ ടോക്യോ ഒളിമ്പിക്‌സില്‍ 119 പേരാണ് ഇന്ത്യയില്‍ നിന്ന് മത്സരിച്ചത്. ഇത്തവണ സഹായികളും പരിശീലകരും ഉള്‍പ്പെടെ 140പേരാണ് ടീമിനൊപ്പം പോകുന്നത്. അത്‌ലറ്റിക്‌സിലാണ് കൂടുതല്‍ പേര്‍ മത്സരിക്കുന്നത്. ഇതില്‍ 18 പുരുഷന്മാരും 11 സ്ത്രീകളും ഉണ്ട്.