അനുബന്ധ വാര്ത്തകള്
- രാജസ്ഥാൻ നായകനായതോടെ സഞ്ജു ഒരുപാട് മാറി, ടി20 ടീമിൽ നിലനിർത്തണമെന്ന് മുൻ ഇന്ത്യൻ താരം
- ഗംഭീർ കോച്ചായി എന്നത് ശരി തന്നെ, എന്നാലും ഇങ്ങനൊരു ട്വിസ്റ്റ് പ്രതീക്ഷിച്ചില്ല, ടി20യിൽ നായകനായി ഹാർദ്ദിക്കല്ല, സൂര്യയെന്ന് സൂചന
- ബിസിസിഐ നല്കിയത് എട്ടിന്റെ പണി, ബൈജു രവീന്ദ്രന് മുന്നില് വാതിലുകള് അടയുന്നു, ബൈജൂസിനെ പാപ്പരായി പ്രഖ്യാപിക്കാന് ഉത്തരവ്
- ടീമിനെ എങ്ങനെ നയിക്കണമെന്ന ധാരണ ഗില്ലിനില്ല: അമിത് മിശ്ര
- ഒപ്പം കളിച്ചുവളർന്ന കോലി ഒരുപാട് മാറി, സൗഹൃദം പുലർത്തുന്നത് ചുരുക്കം പേരോട് മാത്രം, എന്നാൽ രോഹിത് അങ്ങനെയല്ല: അമിത് മിശ്ര
ഇന്ത്യൻ ടെസ്റ്റ് ടീമിൽ കളിക്കാൻ ആഭ്യന്തര ഫസ്റ്റ് ക്ലാസ് ക്രിക്കറ്റ് കളിക്കണമെന്ന് നിബന്ധന, ഇളവുണ്ടാവുക 3 താരങ്ങൾക്ക് മാത്രം
ഇന്ത്യയുടെ ടെസ്റ്റ് ടീമിലേക്ക് പരിഗണിക്കപ്പെടാന് കളിക്കാര് നിര്ബന്ധമായും ആഭ്യന്തര ഫസ്റ്റ് ക്ലാസ് മത്സരങ്ങളില് കളിച്ചിരിക്കണമെന്ന നിബന്ധന ബിസിസിഐ കര്ശനമാക്കുന്നു. വരാനിരിക്കുന്ന ബംഗ്ലാദേശ് ടെസ്റ്റ് പരമ്പരയ്ക്ക് മുന്പ് പുതിയ നിര്ദേശം നടപ്പിലാക്കാനാണ് ബിസിസിഐയുടെ തീരുമാനം. വിരാട് കോലി,രോഹിത് ശര്മ,ജസ്പ്രീത് ബുമ്ര എന്നീ മൂന്ന് താരങ്ങള്ക്ക് മാത്രമാകും ഇതില് ഇളവുണ്ടാവുക.
താരങ്ങളെല്ലാാവരും തന്നെ ഓഗസ്റ്റില് നടക്കുന്ന ബംഗ്ലാദേശ് പരമ്പരയ്ക്ക് തൊട്ട് മുന്പ് നടക്കുന്ന ദുലീപ് ട്രോഫി മത്സരങ്ങളില് പങ്കെടുത്താല് മാത്രമെ ടെസ്റ്റ് ടീമിലേക്ക് പരിഗണിക്കുകയുള്ളു. ദുലീപ് ട്രോഫി മത്സരങ്ങള്ക്ക് സോണല് സെലക്ഷന് കമ്മിറ്റിയല്ല പകരം ദേശീയ സെലക്ടര്മാര് തന്നെയാകും ടീമിനെ തിരെഞ്ഞെടുക്കുക. ടെസ്റ്റ് ടീമിലേക്ക് പരിഗണിക്കാനിടയുള്ളവരെയെല്ലാം സെലക്ടര്മാര് ദുലീപ് ട്രോഫി മത്സരങ്ങള്ക്കുള്ള ടീമിലും ഉള്പ്പെടുത്തും. ഗൗതം ഗംഭീര് പരിശീലകനായ ശേഷം ഇന്ത്യ കളിക്കുന്ന ആദ്യ ടെസ്റ്റ് പരമ്പരയാകും ബംഗ്ലാദേശിനെതിരെ നടക്കുക.
