അനുബന്ധ വാര്ത്തകള്
- പാകിസ്ഥാനോ നരകമോ എന്ന് ചോദിച്ചാൽ ഞാൻ നരകം തിരഞ്ഞെടുക്കുമെന്ന് ജാവേദ് അക്തർ
- 'ഇനിയൊരു ആക്രമണമുണ്ടായാല് യുദ്ധമായി കണക്കാക്കും'; പാകിസ്ഥാന് അന്ത്യശാസനവുമായി ഇന്ത്യ
- ചാര്മിനാറിന് സമീപത്തെ തീപിടിത്തം; കുട്ടികള് അടക്കം 17 പേര് മരിച്ചു, നഷ്ടപരിഹാരം പ്രഖ്യാപിച്ചു
- Hyderabad Fire: ഹൈദരാബാദിൽ വൻ തീപിടുത്തം: 17 പേർ മരിച്ചു, 15 പേർക്ക് ഗുരുതരമായ പരുക്ക്
- ഓൺലൈൻ വഴിയുള്ള പരിചയം, സുഹൃത്തിനെ കാണാൻ നാഗ്പൂർ സ്വദേശിയായ യുവതി പാകിസ്ഥാനിലേക്ക് കടന്നതായി റിപ്പോർട്ട്
പഹല്ഗാം ആക്രമണത്തിന് മുന്പ് ജ്യോതി മല്ഹോത്ര കശ്മീര് സന്ദർശിച്ചിരുന്നു; യാത്രാ വിവരങ്ങൾ ഇങ്ങനെ
26 പേരുടെ ജീവനെടുത്ത ഭീകരാക്രമണത്തിന് മുന്പ് ജ്യോതി മല്ഹോത്ര കശ്മീര് സന്ദര്ശിച്ചിരുന്നു
ന്യൂഡല്ഹി: പാകിസ്ഥാന് വേണ്ടി ഇന്ത്യയില് ചാരപ്പണി നടത്തിയെന്ന ആരോപണത്തില് അറസ്റ്റിലായ വനിതാ വ്ളോഗര് ജ്യോതി മല്ഹോത്രയുടെ ഇടപെടലുകളും യാത്രകളും സംബന്ധിച്ച റിപ്പോർട്ട് പുറത്ത്. ഇവരുടെ സമീപകാല യാത്രകളിൽ ദുരൂഹത ഏറുന്നു. 26 പേരുടെ ജീവനെടുത്ത ഭീകരാക്രമണത്തിന് മുന്പ് ജ്യോതി മല്ഹോത്ര കശ്മീര് സന്ദര്ശിച്ചിരുന്നു എന്നാണ് പുതിയ റിപ്പോര്ട്ടുകള്.
ജ്യോതി നടത്തിയ യാത്രകളുടെ വിവരങ്ങളും ഇവരുടെ സാമ്പത്തിക സ്രോതസുകളും ഉള്പ്പെടെ പൊലീസ് വിശദമായി പരിശോധിക്കുന്നതിനിടെയാണ് പുതിയ വിവരങ്ങള് പുറത്തുവരുന്നത്. പഹല്ഗാം ഭീകരാക്രമണത്തിനു മുന്പുള്പ്പെടെ നിരവധി തവണ ജ്യോതി മല്ഹോത്ര പാകിസ്ഥാൻ സന്ദര്ശിച്ചിരുന്നതായി ഹരിയാന പൊലീസ് പറയുന്നു.
ഭീകരാക്രമണത്തിന് മൂന്ന് മാസം മുമ്പ് ജ്യോതി ജമ്മു കശ്മീരിലെ വിവിധ ഇടങ്ങളിലും പഹല്ഗാമിലും സന്ദര്ശനം നടത്തിയിരുന്നു എന്നുള്ള വിവരങ്ങളും ലഭിച്ചതായും പൊലീസിനെ ഉദ്ധരിച്ച് റിപ്പോര്ട്ടുകള് പറയുന്നു. ജ്യോതിയുടെ ചൈന യാത്രയും അന്വേഷിക്കുന്നുണ്ടെന്നാണ് റിപ്പോര്ട്ടുകള്. ചാരക്കേസില് അറസ്റ്റിലായ ജ്യോതിയെ അഞ്ച് ദിവസത്തെ കസ്റ്റഡിയില് ലഭിച്ചതിനു പിന്നാലെ നടത്തിയ ചോദ്യം ചെയ്യലിന് ശേഷമാണ് നിര്ണായക വിവരങ്ങള് പുറത്തുവരുന്നത്.
പാകിസ്ഥാന് യാത്രയ്ക്കിടെ ജ്യോതി പാക് രഹസ്യാന്വേഷണ വിഭാഗത്തിലെ ഉന്നതരെ കണ്ടിരുന്നെന്നും പൊലീസ് സ്ഥിരീകരിച്ചിട്ടുണ്ട്. പഹല്ഗാം ആക്രമണത്തിനു മുന്പ് ഇവര് നടത്തിയ പാക് സന്ദര്ശനത്തിന്റെ വിവരങ്ങളും പൊലീസ് പരിശോധിക്കുകയാണ്. തന്ത്രപ്രധാനമായ സൈനിക വിവരങ്ങള് ചോര്ത്താന് ജ്യോതി മല്ഹോത്രയ്ക്ക് സാധിച്ചിരുന്നില്ല. എന്നാല് പാകിസ്ഥാന് ഉദ്യോഗസ്ഥരുമായും യൂട്യൂബ് ഇന്ഫ്ളുവര്സര്മാരുമായും ജ്യോതി നേരിട്ട് ബന്ധപ്പെട്ടിരുന്നു.
