അനുബന്ധ വാര്ത്തകള്
- അരിക്കൊമ്പന് ഇപ്പോള് ഇവിടെ ! വീണ്ടും കേരളത്തില് എത്താന് സാധ്യതയുണ്ടോ?
- 1700 കോടിയുടെ പാലം നദിയിലേക്ക് തകര്ന്നുവീണു, വിഡിയോ
- ഇന്ന് ലോക പരിസ്ഥിതി ദിനം: ഇക്കാര്യങ്ങള് അറിയണം
- ഇനി ജനവാസ മേഖലയിലേക്ക് വന്നാല് കുങ്കിയാനയാക്കും; അരിക്കൊമ്പനെ പൂട്ടാന് കേരളം
- വെള്ളിമലയില് നിന്ന് കേരള വനാതിര്ത്തിയിലേക്ക് എത്താന് എളുപ്പം; അരിക്കൊമ്പന്റെ നീക്കങ്ങള് നിരീക്ഷിക്കും
അരിക്കൊമ്പന്റെ ആരോഗ്യസ്ഥിതി മോശം; 24 മണിക്കൂറിലേറെയായി ആംബുലന്സില് തന്നെ
കളക്കാട് മുണ്ടന്തുറൈ കടുവാ സങ്കേതത്തിലാണ് ആന ഇപ്പോഴുള്ളത്
അരിക്കൊമ്പന് കഴിഞ്ഞ 24 മണിക്കൂറിലേറെയായി അനിമല് ആംബുലന്സില് തുടരുന്നു. ആരോഗ്യസ്ഥിതി മോശമായതിനാലാണ് ആനയെ കാട്ടിലേക്ക് തുറന്നുവിടാത്തത്. ആവശ്യമായ ചികിത്സ നല്കിയ ശേഷം ആനയെ തുറന്നുവിടാനാണ് സാധ്യത. അരിക്കൊമ്പന്റെ തുമ്പിക്കൈയില് ഗുരുതരമായി പരുക്കേറ്റിട്ടുണ്ട്. ഇതേ തുടര്ന്ന് ഭക്ഷണം കഴിക്കാന് പോലും ആന ബുദ്ധിമുട്ട് അനുഭവിക്കുന്നതായാണ് റിപ്പോര്ട്ട്.
കളക്കാട് മുണ്ടന്തുറൈ കടുവാ സങ്കേതത്തിലാണ് ആന ഇപ്പോഴുള്ളത്. അരിക്കൊമ്പന്റെ ആരോഗ്യനില തൃപ്തികരമല്ലെന്നും ഈ അവസ്ഥയില് ആനയെ തുറന്നുവിടാനാകില്ലെന്നുമാണ് തമിഴ്നാട് വനംവകുപ്പിന്റെ നിലപാട്. രണ്ടു ദിവസത്തെ ചികിത്സയ്ക്ക് ശേഷം ആനയെ കാട്ടില് തുറന്നുവിട്ടാല് മതിയെന്നാണ് ഇപ്പോഴത്തെ തീരുമാനം. ആവശ്യമെങ്കില് കോതയാര് ആനസംരക്ഷണ കേന്ദ്രത്തില് എത്തിച്ച് ചികിത്സ നല്കും. മുണ്ടന്തുറൈ കടുവാ സങ്കേതത്തില് ആനിമല് ആംബുലന്സില് വനംവകുപ്പ് ഡോക്ടര്മാര് ആനയുടെ ആരോഗ്യസ്ഥിതി നിരീക്ഷിച്ചു വരികയാണ്.
