ഓണപ്പഴഞ്ചൊല്ലുകളും ഓണപ്പാട്ടുകളും

PRO

ഓണത്തപ്പാ കുടവയറാ എന്നു തീരും കല്യാണം

ഓണത്തിനിടയ്ക്കാണോ പൂട്ടുകച്ചവടം?

ഓണത്തെക്കാള്‍ വലിയ മതമുണ്ടോ?

ഓണവും വിഷുവും വരാതെ പോകട്ടെ

ഓണാട്ടന്‍ വിതച്ചാല്‍ ഓണത്തിന് പുത്തരി

ഓണം കഴിഞ്ഞാല്‍ ഓലപ്പുര ഓട്ടപ്പുര

ഓണം പോലാണോ തിരുവാതിര

ഓണം വന്നാലും കാണം വന്നാലും കോരന് കുമ്പിളില്‍ തന്നെ കഞ്ഞി

ഓണപ്പാട്ടുകള്‍

1. ഓണത്തപ്പാ കുടവയറാ...

ഓണത്തപ്പാ കുടവയറാ
എന്നാപോലും തിരുവോണം
നാളെക്കാലത്തെ തിരുവോണം
നാക്കിലയിട്ട് വിളമ്പേണം
ഓണത്തപ്പാ കുടവയറാ
തിരുവോണക്കറി എന്തെല്ലാം
ചേനത്തണ്ടും ചെറുപയറും
കാടും പടലവുമെരിശ്ശേരി
വാഴയ്ക്കാച്ചുണ്ടുപ്പേരി
മാമ്പഴമിട്ടൊരു പുളിശ്ശേരി
കാച്ചിയമോരും നാരങ്ങാക്കറിയും
പച്ചടികിച്ചടി അച്ചാറും.
ഓണത്തപ്പാ കുടവയറാ എന്നാപോലും തിരുവോണം

2. ഓണസദ്യക്കെന്തെല്ലാം...?

ഓണം വന്നൂ കുടവയറാ ഓണസദ്യക്കെന്തെല്ലാം
മത്തന്‍കൊണ്ടെരിശ്ശേരി
കുമ്പളങ്ങ പുളിശ്ശേരി
കാച്ചിയ മോര്‌ നാരങ്ങക്കറി
പച്ചടികിച്ചടി അച്ചാറ്‌
പപ്പടമുണ്ട്‌ പായസമുണ്ട്‌
ഉപ്പേരികളും പലതുണ്ട്‌

3. ആമോദത്തോടെ വസിക്കും കാലം....

മാവേലി നാടുവാണിടുംകാലം
മാനുഷരെല്ലാരും ഒന്നുപോലെ
ആമോദത്തോടെ വസിക്കും കാലം
ആപത്തങ്ങാര്‍ക്കൊട്ടില്ല താനും

ആദികള്‍ വ്യാധികള്‍ ഒന്നുമില്ല
ബാലമരണങ്ങള്‍ കേള്‍ക്കാനില്ല
പത്തായിരമാണ്ട്‌ ഇരിപ്പുമുണ്ട്‌
പത്തായമെല്ലാം നിറവതുണ്ട്‌

എല്ലാകൃഷികളുമൊന്നുപോലെ
നെല്ലിന്‌ നൂറ്‌ വിളവുമുണ്ട്‌
ദുഷ്‌ടരെ കണ്‍കൊണ്ട്‌ കാണ്‍വാനില്ല
നല്ലവരല്ലാതെയില്ല പാരില്‍

ഭൂലോകമൊക്കെയും ഒന്നുപോലെ
ആലയമൊക്കെയും ഒന്നുപോലെ
നല്ല കനകംകൊണ്ടെല്ലാവരും ഒന്നുപോലെ
നല്ലാഭരണങ്ങള്‍ അണഞ്ഞുകൊണ്ട്‌

നാരിമാര്‍,ബാലര്‍മാര്‍ മറ്റുള്ളോരും
നീതിയൊട്ടെങ്ങുമുള്ള കാലം
കള്ളോലവുമില്ല ചതിയുമില്ല
എള്ളോളമില്ല പൊളിവചനം

വെള്ളിലതാദികളും നാരികളും
എല്ലാംകണക്കിനു തുല്ല്യമായി
കള്ളപ്പറയും ചെറുനാഴിയും
കള്ളത്തരങ്ങള്‍ മറ്റൊന്നുമില്ല

നല്ല മഴപെയ്യും വേണ്ടുന്ന നേരം
നല്ലപോലെ വിളവും ചേരും
മാവേലിനാടു വാണിടും കാലം