1. മറ്റുള്ളവ
  2. »
  3. സാഹിത്യം
  4. »
  5. ലേഖനങ്ങള്‍

ചെറുതുകളെ സ്നേഹിച്ച കവി..........

ശ്രീഹരി പുറനാട്ടുകര

ചെറുതുകളെ സ്നേഹിച്ച കവി. കുഞ്ഞുണ്ണി
 കുഞ്ഞുണ്ണി മാഷ്
""ജീവിതം നല്ലതാണല്ലോ
മരണം ചീത്തയാകയാല്‍""
-- കുഞ്ഞുണ്ണി

സംഭവം നടക്കുന്നത് ലേഖകന്‍ ഒന്‍പതാം ക്ളാസ്സില്‍ പഠിക്കുമ്പോള്‍.അത്തവണ ഞങ്ങളുടെ വിദ്യാലയമായ പുറനാട്ടുകര ശ്രീരാമകൃഷ്ണാശ്രമത്തിലെ സാഹിത്യവേദിയൂടെ ഉദ്ഘാടനത്തിന് എത്തിയത് കുഞ്ഞുണ്ണി മാഷായിരുന്നു.

ഉദ്ഘാടനം കഴിഞ്ഞ് അദ്ദേഹം സംസാരിച്ചു കൊണ്ടിരിക്കുമ്പോള്‍ അതൊന്നും ശ്രദ്ധിക്കാതെ ഒരു വിദ്യാര്‍ത്ഥി പുറത്തേക്ക് നോക്കി കൊണ്ടിരിക്കുകയായിരുന്നു.കുഞ്ഞുണ്ണി മാഷ് ഇത് ശ്രദ്ധിച്ചു. താല്‍പ്പര്യമില്ലെങ്കില്‍ എഴുന്നേറ്റ് പോകാമെന്ന് മാഷ് കടുപ്പിച്ചു പറഞ്ഞു.

വിദ്യാലയത്തിലെ എല്ലാ വിദ്യാര്‍ത്ഥികളുടെ മുന്‍പില്‍ വെച്ച് മാഷിന്‍റെ ശകാരം കേട്ടപ്പോള്‍ അവന് വിഷമമായി.കുഞ്ഞുണ്ണി മാഷ് സംസാരം തുടര്‍ന്നു.പ്രസം ഗം അവസാനിപ്പിച്ച പ്പോള്‍ അദ്ദേഹം ചീത്ത കേട്ടവനെ അടുത്തേക്ക് വിളിച്ച് കീശയില്‍ നിന്ന് കല്‍ക്കണ്ടമെടുത്ത് അവന് കൊടുത്തു.തലയില്‍ സ്നേഹപൂര്‍വ്വം തട്ടുകയും ചെയ്തു.

ചെറിയകൂട്ടികളെ ഒരുപാട് ഇഷ്ട്പ്പെട്ട കുഞ്ഞുണ്ണി മാഷ് ചെറിയ കവിതകളീലൂടെ വലിയ ദര്‍ശനങ്ങള്‍ മലയാളിക്ക് പകര്‍ന്നു നല്‍കി. ആര്‍ട്ടിസ്റ്റ് നമ്പൂതിരി അഭിപ്രായപ്പെട്ടതു പോലെ ലളിതമായി ആവിഷ്ക്രിക്കുമ്പോഴാണ് ഹൃദയത്തില്‍ തട്ടുക.

മലയാളിയുടെ ഇംഗ്ളീഷ് ഭ്രമത്തെ പരിഹസിച്ചും,പുതുതലമുറയെ വായനയുടെ പ്രാധാന്യം മന്‍സ്സിലാക്കിപ്പിച്ചു കൊണ്ടും കുഞ്ഞുണ്ണി മാഷ് കവിതയെഴുതി.സമൂഹത്തെ യും,പ്രകൃതിയേയും നിരന്തരം നിരീക്ഷിച്ചുള്ള അദ്ദേഹത്തിന്‍റെ കവിതകള്‍ ഏതു തലമുറയ്ക്കും ആസ്വദിക്കാമെന്നുള്ളത് അവയൂടെ മൂല്യത്തിനുള്ള അംഗീകരമായി കണകാക്കാം.


മാതൃഭൂമിയിലെ കുട്ടേട്ടനായി ഒരുപാടു പേരെ തിരുത്തിയും,പ്രോത്സാഹിപ്പിച്ചും സാഹിത്യത്തിന്‍റെ തങ്കസിംഹാസനത്തിലേക്കെത്തിച്ചു.കവിത എല്ലാവരെയും ഒരുപോലെ ആനന്ദിപ്പിക്കണമെന്ന പാഠം അദ്ദേഹം ശിഷ്യര്‍ക്ക് പകര്‍ന്നു നല്‍കി.

അവാര്‍ഡോ, റോയല്‍റ്റിയോ ആഗ്രഹിച്ചിട്ടല്ലാ മറിച്ച് വായനക്കാരന്‍ കവിതയിലെ ഒരുവരി ചെല്ലുമ്പോഴാണ് കവിയുടെ ജീവിതത്തിന് അര്‍ത്ഥം വരുന്ന പക്ഷക്കാരനായിരുന്നു കുഞ്ഞുണ്ണിമാഷ്.

കുഞ്ഞുണ്ണിയെ സംബന്ധിച്ച് സ്നേഹത്തെ ഒന്നിലേക്ക് മാത്രമായി ചുരുക്കാന്‍ കഴിയാത്തതായിരിക്കാം മരണം വരെ ബ്രഹ്മചാരിയായി കഴിയുവാനൂള്ള കാരണം.

വഴിയാത്രക്കീടയില്‍ ലഭിച്ച കുന്നിക്കുരുവും,ബട്ടന്‍സും,കൂപ്പിവളപ്പൊട്ടുകളും കൂപ്പിയില്‍ മാഷ് ഭദ്രമായി സൂക്ഷിച്ചു.അവയ്ക്ക് ദിവസം കഴിയും തോറും ജീവന്‍ വെച്ചു വരുന്നതായി മാഷ്ക്ക് തോന്നി.തന്‍റെ ഏകസമ്പാദ്യം ഈ മഞ്ചാടിക്കുരുക്കളും,ബട്ടന്‍സും,കുപ്പി വളപ്പൊട്ടുകളുമാണെന്ന് മാഷ് ഒരിക്കല്‍ പറഞ്ഞിട്ടൂണ്ട്.

കുപ്പിയിലെ സമ്പാദ്യത്തെ,പോസ്റ്റുമാന്‍ കൊണ്ടു വരുന്ന കൊച്ചു കൂട്ടുക്കാരൂടെ എഴുത്തുകളെ തനിച്ചാക്കി കുഞ്ഞുണ്ണി യാത്രയായെങ്കില്ലും ഈ ചെറിയ ലോകത്തു ജീവിച്ച വലിയ മനുഷ്യന്‍റെ സ്നേഹത്തിന്‍റെ ഓര്‍മ്മകള്‍ ഇനിയുമേറെക്കാലം ഇവിടെ നിലനില്‍ക്കും