അനുബന്ധ വാര്ത്തകള്
- ഇന്ത്യയുടെ ഡിജിറ്റൽ രംഗത്ത് ചൈനയുടെ കളി വേണ്ട, മികച്ച ഇന്ത്യൻ ആപ്പുകൾ ഒരുക്കാൻ 7000 അപേക്ഷകൾ കേന്ദ്രം പരിശോധിയ്ക്കുന്നു
- ബുധനാഴ്ച കൊവിഡ് സ്ഥിരീകരിച്ചത് 66 ആരോഗ്യ പ്രവര്ത്തകര്ക്ക്
- തിരുപ്പതി ക്ഷേത്രത്തിൽ കാണിയ്ക്കയായി ലഭിച്ചത് 50 കോടിയുടെ നിരോധിത നോട്ടുകൾ
- കെടി ജലീലിനെ എൻഐഎ ചോദ്യം ചെയ്യുന്നു
- സാമ്പത്തിക പ്രതിസന്ധി: ചെലവു ചുരുക്കുന്നതിനും വരുമാനം വര്ധിപ്പിക്കുന്നതിനും അടിയന്തര നടപടികള് സ്വീകരിക്കും
പാമ്പുപിടുത്തത്തിന് സര്ട്ടിഫിക്കറ്റ്: തിരുവനന്തപുരം ജില്ലയില് അപേക്ഷ ക്ഷണിച്ചു
പാമ്പുപിടിത്തത്തിനായി വനം വകുപ്പ് ഏര്പ്പെടുത്തുന്ന സര്ട്ടിഫിക്കറ്റ് നേടാനുള്ള പരിശീലനത്തില് പങ്കെടുക്കുന്നതിന് താത്പര്യമുള്ളവരില് നിന്നും അപേക്ഷ ക്ഷണിച്ചു. പാമ്പു പിടിത്തത്തില് താല്പര്യവും വൈദ്യഗ്ധ്യവും മുന്പരിചയവുമുള്ള 21നും 65 വയസ്സിനുമിടയില് പ്രായമുള്ള,
ജില്ലയിലെ താമസക്കാരായ സന്നദ്ധപ്രവര്ത്തകര്ക്ക് അപേക്ഷിക്കാം. പരിശീലനം വിജയകരമായി പൂര്ത്തിയാക്കുന്നവര്ക്ക് വനം വകുപ്പ്
സര്ട്ടിഫിക്കറ്റ് നല്കും.
ഇത്തരത്തില് സര്ട്ടിഫിക്കറ്റ് ലഭിച്ചിട്ടുള്ള അംഗീകൃത പാമ്പുപിടുത്തക്കാര്ക്ക് മാത്രമേ മേലില് പാമ്പുപിടുത്തത്തില് ഏര്പ്പെടാന് സാധിക്കൂ.
ജനവാസകേന്ദ്രങ്ങളില് നിന്ന് പാമ്പുകളെ ശാസ്ത്രീയവും സുരക്ഷിതവുമായ രീതിയില് പിടികൂടി അവയുടെ ആവാസവ്യവസ്ഥയില്വിട്ടയയ്ക്കുന്നതിന് സന്നദ്ധപ്രവര്ത്തകരെ കണ്ടെത്തുകയാണ് പരിശീലനത്തിന്റെ ലക്ഷ്യം.
നിശ്ചിത മാതൃകയിലുള്ള അപേക്ഷകള് സെപ്തംബര് 30നകം തിരുവനന്തപുരം സാമൂഹ്യവനവല്ക്കരണ വിഭാഗം ഡെപ്യൂട്ടി ഫോറസ്റ്റ് കണ്സര്വേറ്റര്ക്ക് സമര്പ്പിക്കേണ്ടതാണ്. അപേക്ഷാ ഫോറത്തിന്റെ മാതൃക വനംവകുപ്പിന്റെ ഔദ്യോഗിക വെബ്സൈറ്റായ www.kerala.gov.in ല് ലഭ്യമാണ് . കൂടുതല് വിവരങ്ങള്ക്ക് ഫോണ് 0471-2360462
