പാലക്കാട് ഇഡ്ഡലി തൊണ്ടയില്‍ കുടുങ്ങി 50കാരന്‍ മരിച്ചു. ഓണാഘോഷത്തിനിടയിലെ സംഘടിപ്പിച്ച ഇഡ്ഡലി തീറ്റ മത്സരത്തില്‍ പങ്കെടുക്കവെയാണ് അപകടം ഉണ്ടായത്. പാലക്കാട് കഞ്ചിക്കോട് ആലാമകം സ്വദേശി ബി സുരേഷാണ് മരിച്ചത്.

മത്സരത്തില്‍ പങ്കെടുത്ത സുരേഷ് ഇഡ്ഡലി വിഴുങ്ങാന്‍ ശ്രമിക്കുകയായിരുന്നു. കൂടുതല്‍ ഇഡ്ഡലി തിന്നുന്നവര്‍ക്കായിരുന്നു സമ്മാനം പ്രഖ്യാപിച്ചിരുന്നത്. ഇഡ്ഡലി തൊണ്ടയില്‍ കുടുങ്ങിയ സുരേഷിനെ ഉടന്‍ തന്നെ സമീപത്തെ ആശുപത്രിയില്‍ എത്തിച്ചെങ്കിലും മരണം സംഭവിച്ചു.