പാലക്കാട് കടന്നല്‍ കുത്തേറ്റ് ഒന്നാംക്ലാസുകാരന്‍ മരിച്ചു. കോണിക്കഴി പറക്കുന്നത്ത് കണ്ണന്റെയും ലക്ഷ്മിയുടേയും മകന്‍ സജിത് ആണ് മരിച്ചത്. സത്രംകാവില്‍
എയുപിഎസ് സ്‌കൂളിലെ വിദ്യാര്‍ത്ഥിയാണ് അഞ്ചുവയസുകാരനായ സജിത്ത്. പിതാവിനൊപ്പം റബ്ബര്‍ തോട്ടത്തില്‍ നിന്ന് വിറകെടുക്കുന്നതിനിടെയാണ് കടന്നല്‍ കുത്തിയത്.

പാലക്കാട് സ്വകാര്യ ആശുപത്രിയില്‍ ചികിത്സയ്ക്കായി കൊണ്ടുപോയെങ്കിലും ജീവന്‍ രക്ഷിക്കാന്‍ സാധിച്ചില്ല. അതേസമയം കോങ്ങാട് പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്. സജിത്തിന് രണ്ട് സഹോദരിമാരാണ് ഉള്ളത്.