അനുബന്ധ വാര്ത്തകള്
- കേരളത്തില് വൈദ്യുതി നിയന്ത്രണം രണ്ട് ദിവസത്തേക്ക് തുടരും
- സംസ്ഥാനത്ത് ഇന്ന് വൈകീട്ട് 15 മിനിട്ട് വൈദ്യുതി നിയന്ത്രണം
- സംസ്ഥാനത്ത് ഇന്ന് വൈദ്യുതി നിയന്ത്രണം
- സർക്കാർ തീരുമാനം മാറാൻ പോകുന്നില്ല, സംവാദം പ്രഹസനമെന്ന് ഇ ശ്രീധരൻ
- സംസ്ഥാനത്ത് സാമ്പത്തിക പ്രതിസന്ധി അതിരൂക്ഷം: 25 ലക്ഷത്തിന് മുകളിലുള്ള ബില്ലുകൾ മാറില്ലെന്ന് ധനവകുപ്പ്
ഇന്ധനനികുതിയില് സര്ക്കാരുകള് പരസ്പരം പഴിചാരി ജനങ്ങളെ പറ്റിക്കുന്നെന്ന് ഉമ്മന് ചാണ്ടി
പെട്രോളിന് 57.67 ഉം ഡീസലിന് 58.29 ഉം രൂപ മാത്രം അടിസ്ഥാന വിലയുള്ളപ്പോള് അവയ്ക്ക് ഏതാണ്ട് തത്തുല്യമായ നികുതി ചുമത്തി കേന്ദ്ര- സംസ്ഥാന സര്ക്കാരുകള് വന്കൊള്ള നടത്തിയിട്ടാണ് പ്രധാനമന്ത്രിയും മുഖ്യമന്ത്രിയും പരസ്പരം പഴിചാരി ജനങ്ങളെ പറ്റിക്കുന്നതെന്നു മുന്മുഖ്യമന്ത്രി ഉമ്മന് ചാണ്ടി. മൊത്തം ഇന്ധനവിലയുടെ പകുതിയിലധികം കേന്ദ്ര- സംസ്ഥാന നികുതികളായിരിക്കെ അതു ജനങ്ങളില്നിന്ന് മറച്ചുവച്ച് കീശവീര്പ്പിക്കുന്ന ചക്കളത്തിപ്പോരാട്ടമാണ് ഇരുവരും നടത്തുന്നത്.
യുഡിഎഫ് സര്ക്കാരിന്റെ കാലത്ത് വില കൂടിയപ്പോള്, വര്ധിപ്പിച്ച വിലയുടെ നികുതി 4 തവണ വേണ്ടെന്നു വച്ച് 619.17 കോടി രൂപയുടെ ആശ്വാസമാണ് കേരളത്തിലെ ജനങ്ങള്ക്കു നല്കിയത്. കേന്ദ്രം വിലകൂട്ടിയപ്പോള് നാലു തവണ കേരളം വിലകുറച്ചുവെന്നു മുഖ്യമന്ത്രി പിണറായി വിജയന് പറഞ്ഞതായി കണ്ടു . ഏതു ഗവ: ആണ് ഇപ്രകാരം കുറവ് നല്കിയതെന്ന് പറയാനുള്ള സത്യസന്ധത അദ്ദേഹം കാണിക്കണം ഇത്തരം പാഠങ്ങളൊന്നും ഗുജറാത്തില് പോയാല് പിണറായി സര്ക്കാരിന് പഠിക്കാനാകില്ലെന്ന് ഉമ്മന് ചാണ്ടി ചൂണ്ടിക്കാട്ടി.
