മലപ്പുറത്ത് നിപ സംശയം. വണ്ടൂര്‍ നടുവത്ത് പനി ബാധിച്ചു മരിച്ച യുവാവിന് ആണ് നിപ ലക്ഷണങ്ങള്‍ ഉണ്ടായിരുന്നത്. കോഴിക്കോട് നടത്തിയ പ്രാഥമിക പരിശോധനാ ഫലം പോസിറ്റീവ് ആണ്. പൂണെ വൈറോളജി ഇന്‍സ്റ്റിറ്റ്യൂട്ടിലെ പരിശോധനാ ഫലം വന്ന ശേഷം ആയിരിക്കും സ്ഥിരീകരണം. പെരിന്തല്‍മണ്ണയിലെ സ്വകാര്യ ആശുപത്രിയില്‍ വച്ച് തിങ്കളാഴ്ചയാണ് യുവാവാണ് മരിച്ചത്.

ബെംഗളൂരുവില്‍ രണ്ടുമാസം മുന്‍പ് മഞ്ഞപ്പിത്തം ബാധിച്ച യുവാവ് നാട്ടിലെത്തി ചികിത്സതേടിയിരുന്നു. രോഗം ഭേദമായി മടങ്ങിയ യുവാവ് കഴിഞ്ഞയാഴ്ച കാലിന് പരുക്കേറ്റതിനെ തുടര്‍ന്നാണ് വീണ്ടും നാട്ടിലെത്തിയത്. പിന്നീട് പനിബാധിച്ച് ചികിത്സതേടുകയായിരുന്നു.