1. വാര്‍ത്താലോകം
  2. വാര്‍ത്ത
  3. കേരള വാര്‍ത്ത
  4. Manjusha naveen against kannur collector

‘നവീനെ ദിവ്യ പരസ്യമായി ആക്ഷേപിക്കുമ്പോൾ കലക്ടർക്ക് ചെറുചിരി, സഹിക്കാനായില്ല': മഞ്ജുഷ നവീൻ

Manjusha naveen against kannur collector
പത്തനംതിട്ട: യാത്രയയപ്പ് യോഗത്തിൽ വെച്ച് പി.പി.ദിവ്യ ആക്ഷേപിച്ചതിന്റെ മനോവിഷമത്തിൽ എഡിഎം നവീൻ ബാബു ആത്മഹത്യ ചെയ്തിരുന്നു. സംഭവം നടക്കുമ്പോൾ കണ്ണൂർ കളക്ടർ സമീപത്തുണ്ടായിരുന്നു. വീഡിയോ സോഷ്യൽ മീഡിയയിൽ വൈറലാവുകയും ചെയ്തു. പിന്നാലെ നവീന്റെ സംസ്കാരച്ചടങ്ങിന് വരേണ്ട എന്നു കലക്ടറോട് കുടുംബം പറഞ്ഞിരുന്നു. യാത്രയയപ്പ് യോഗത്തിൽ എഡിഎം നവീൻ ബാബുവിനെ പി.പി.ദിവ്യ ആക്ഷേപിക്കുമ്പോൾ കണ്ണൂർ കലക്ടർ ചെറുചിരിയോടെ ഇരിക്കുകയായിരുന്നുവെന്നും അത് കണ്ട് സഹിക്കാനായില്ലെന്നും നവീന്റെ ഭാര്യ മഞ്ജുഷ പറയുന്നു. 
 
'കലക്ടറുടെ മൊഴി വിശ്വസിക്കുന്നില്ലെന്ന തന്റെ നിലപാടിൽ ഉറച്ച് നിൽക്കുകയാണ് മഞ്ജുഷ. അവധി പോലും ചോദിക്കാൻ മടിയുള്ള ഒരാളോട് മനസ്സിലുള്ള കാര്യങ്ങൾ തുറന്ന് സംസാരിക്കാൻ യാതൊരു സാഹചര്യവുമില്ല. ബന്ധുക്കൾ നവീൻ ബാബുവിന്റെ മൃതദേഹം ഏറ്റുവാങ്ങാൻ ചെന്നപ്പോഴും അദ്ദേഹം ഇതിനെപ്പറ്റി സംസാരിച്ചിട്ടില്ല. പെട്ടെന്ന് ഇങ്ങനെയൊരു മൊഴി ഉണ്ടായതിന്റെ കാരണം അറിയില്ല. 
 
വീഡിയോയിൽ നവീൻ ബാബു തകർന്നിരിക്കുമ്പോൾ കലക്ടർ പുഞ്ചിരിയോടു കൂടി ഇരിക്കുന്നതാണ് കാണുന്നത്. അതിനുശേഷം ഒന്നു സമാധാനിപ്പിച്ചാൽ ഇങ്ങനെയൊന്നും ഉണ്ടാവില്ലായിരുന്നു. വിഡിയോയിലെ അദ്ദേഹത്തിന്റെ ശരീരഭാഷ കണ്ടാണ് സംസ്കാരച്ചടങ്ങിന് വരേണ്ട എന്നു പറഞ്ഞത്. പി.പി.ദിവ്യക്കെതിരെ ഇതുവരെയുള്ള നടപടികളിൽ തൃപതയാണ്', മഞ്ജുഷ പറഞ്ഞു. 
അടുത്ത ലേഖനം
എത്ര തവണ നിങ്ങള്‍ക്ക് ആധാര്‍ കാര്‍ഡിലെ നമ്പര്‍ മാറ്റാം