അനുബന്ധ വാര്ത്തകള്
- കെഎസ്ആര്ടിസി ബസ് ജീവനക്കാരുടെ ബുദ്ധിപരമായ നീക്കം; തട്ടിക്കൊണ്ടുപോയ മൂന്നര വയസ്സുകാരിയെ രക്ഷപ്പെടുത്തി
- യാത്രക്കാരൻ ആവശ്യപ്പെട്ട സ്ഥലത്ത് ബസ് നിർത്തിയില്ല : കെഎസ്ആർടിസിക്ക് 18000 രൂപാ പിഴ
- ഏതോ യാത്രക്കാരന് ഡബിള് ബെല്ലടിച്ചു; കണ്ടക്ടര് ഇല്ലാതെ കെഎസ്ആര്ടിസി ബസ് ഓടിയത് 5 കിലോമീറ്റര്
- ആറ്റുകാല് പൊങ്കാലയ്ക്കു അധിക സര്വീസുകളുമായി കെ.എസ്.ആര്.ടി.സി
- അവസാന ബസും കിട്ടിയില്ല, മദ്യലഹരിയില് ഡിപ്പോയില് പാര്ക്ക് ചെയ്ത കെഎസ്ആര്ടിസി ബസില് വീട്ടിലെത്താന് തീരുമാനിച്ച യുവാവ് അറസ്റ്റില്
കെ.എസ്.ആര്.ടി.സി ബസുകളില് സ്ത്രീകള്ക്കുള്ള സീറ്റ് സംവരണം: വിവേചനമില്ലെന്ന് മനുഷ്യാവകാശ കമ്മീഷന്
സ്ത്രീകള്ക്ക് മുന്നിര സീറ്റുകള് സംവരണം ചെയ്തിരിക്കുന്നത് വിവേചനമാണെന്ന് ആരോപിച്ച് സമര്പ്പിച്ച പരാതിയിലാണ് ഉത്തരവ്
കെ.എസ്.ആര്.ടി.സി ബസുകളില് സ്ത്രീകള്ക്ക് വേണ്ടി മുന്നിര സീറ്റുകള് സംവരണം ചെയ്തിരിക്കുന്നതില് വിവേചനമില്ലെന്ന് മനുഷ്യാവകാശ കമ്മീഷന് അംഗം വി.ഗീത. പ്രത്യേക പഠനങ്ങള് നടത്തിയും സ്ത്രീകള്ക്ക് ഉണ്ടാകാനിടയുള്ള ബുദ്ധിമുട്ടുകള് വിശദമായി പരിഗണിച്ച ശേഷവുമാണ് സീറ്റുകള് സംവരണം ചെയ്തിരിക്കുന്നതെന്ന് കമ്മീഷന് ഉത്തരവില് പറഞ്ഞു.
സ്ത്രീകള്ക്ക് മുന്നിര സീറ്റുകള് സംവരണം ചെയ്തിരിക്കുന്നത് വിവേചനമാണെന്ന് ആരോപിച്ച് സമര്പ്പിച്ച പരാതിയിലാണ് ഉത്തരവ്.
ഗതാഗതവകുപ്പ് സെക്രട്ടറിയില് നിന്നും കമ്മീഷന് റിപ്പോര്ട്ട് വാങ്ങി. 1989 ലെ കേരള മോട്ടോര് വാഹന ചട്ടങ്ങളിലെ ചട്ടം 259 (1) പ്രകാരമാണ് കെ.എസ്.ആര്.ടി.സി ബസുകളില് മുന്നിര സീറ്റുകള് സംവരണം ചെയ്തിരിക്കുന്നതെന്ന് റിപ്പോര്ട്ടില് പറയുന്നു. ഇത് വിവേചനമല്ല. വിവിധ വിഭാഗങ്ങള്ക്കായി സംവരണം ചെയ്തിരിക്കുന്ന സീറ്റുകള് ഒഴികെയുള്ളവയില് മറ്റ് യാത്രക്കാര്ക്ക് യാതൊരു നിയന്ത്രണവും ഏര്പ്പെടുത്തിയിട്ടില്ലെന്നും ഉത്തരവില് പറയുന്നു. കരുനാഗപ്പള്ളി സ്വദേശി ഇ.ഷാജഹാന് സമര്പ്പിച്ച പരാതിയിലാണ് നടപടി.
