അനുബന്ധ വാര്ത്തകള്
- Kerala Weather Live Updates, July 17: ഇടവേളയില്ലാതെ പെരുമഴ; വടക്കന് ജില്ലകളില് ജാഗ്രത വേണം
- Kerala Weather News in Malayalam: ഇന്ന് മഴ കനക്കും, അഞ്ചിടത്ത് ഓറഞ്ച് അലര്ട്ട്; ഇരട്ട ന്യൂനമര്ദ്ദം
- തീവ്ര ന്യൂനമര്ദ്ദത്തിനൊപ്പം ശക്തികൂടിയ മറ്റൊരു ന്യൂനമര്ദ്ദം; മഴ കനക്കുന്നു, വേണം ജാഗ്രത
- Kerala Rain: സംസ്ഥാനത്ത് മഴ കനക്കുന്നു, അഞ്ച് ദിവസം ശക്തമായ മഴ, കാസർകോട് നദികളിൽ ജലനിരപ്പുയരുന്നു
- Kerala Weather Live Updates, July 15: ഇരട്ട ന്യൂനമര്ദ്ദം, വടക്കോട്ട് മഴ തന്നെ; അഞ്ചിടത്ത് യെല്ലോ അലര്ട്ട്
Rain Alert: അതിശക്തമായ മഴ തുടരും; ഇന്ന് നാല് ജില്ലകളില് ഓറഞ്ച് അലര്ട്ട്, ആറിടത്ത് യെല്ലോ മുന്നറിയിപ്പ്
ആലപ്പുഴ ഇടുക്കി എറണാകുളം തൃശൂര്, പാലക്കാട്, മലപ്പുറം ജില്ലകളില് യെല്ലോ മുന്നറിയിപ്പാണ്.
തിരുവനന്തപുരം: സംസ്ഥാനത്ത് ഇന്നും അതിശക്തമായ മഴ തുടരുമെന്ന് കാലാവസ്ഥ കേന്ദ്രത്തിന്റെ മുന്നറിയിപ്പ്. നാല് ജില്ലകളില് ഓറഞ്ച് അലര്ട്ട് പുറപ്പെടുവിച്ചിട്ടുണ്ട്. ആറിടത്ത് യെല്ലോ മുന്നറിയിപ്പും നൽകിയിട്ടുണ്ട്. കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടാണ്. ആലപ്പുഴ ഇടുക്കി എറണാകുളം തൃശൂര്, പാലക്കാട്, മലപ്പുറം ജില്ലകളില് യെല്ലോ മുന്നറിയിപ്പാണ്.
സംസ്ഥാനത്ത് വ്യാപകമായ മഴക്കും ഒറ്റപ്പെട്ട അതിശക്തമായ മഴക്കും സാധ്യതയുണ്ട്. മത്സ്യതൊഴിലാളികള് കടലില് പോകരുത്. മലയോരമേഖലയിലും പുഴകള്ക്ക് ഇരുവശവും തീരപ്രദേശത്തും അതീവ ജാഗ്രത പാലിക്കണം. ഞായറാഴ്ചവരെ കേരളത്തില് ശക്തമായ മഴ തുടരുമെന്നും കാലാവസ്ഥാ വകുപ്പറിയിച്ചു.
വയനാട്ടിലും മഴയെ തുടര്ന്ന് ജാഗ്രതാ നിര്ദേശം നിലവിലുണ്ട്. ചുരല്മല പുന്നപ്പുഴയില് ജലനിരപ്പ് ഉയരാനുള്ള സാധ്യത മണക്കിലെടുത്ത് മുണ്ടക്കൈചൂരല്മല പ്രദേശത്തേക്ക് പ്രവേശനവിലക്കേര്പ്പെടുത്തി. ഗോ സോണ്, നോ ഗോ സോണ് ഭാഗങ്ങളിലേക്ക് പ്രവേശനമില്ല. തോട്ടം മേഖലയിലേക്കും പ്രവേശനം വിലക്കി. കനത്ത മഴയുടെ പശ്ചാത്തലത്തില് കാസര്കോട്, കണ്ണൂര്, കോഴിക്കോട്, വയനാട്, തൃശൂര് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചിട്ടുണ്ട്.
