അനുബന്ധ വാര്ത്തകള്
- വൃഷ്ടി പ്രദേശത്ത് ശക്തമായ മഴ: മൂഴിയാര് ഡാമിന്റെ ഷട്ടറുകള് ഉയര്ത്താന് സാധ്യത
- ഞങ്ങള് തമ്മില് ഭയങ്കര ഇടിയായിരുന്നു,ഒരു വയസ്സിന്റെ വ്യത്യാസമേ ഉള്ളൂ, ഏട്ടനെ കുറിച്ച് ടോവിനോ തോമസ്
- പേ വിഷബാധ കൂടാന് കാരണം കൊവിഡോ
- പേ വിഷബാധയേറ്റ് 2015 നും 2019 നും ഇടയ്ക്ക് ഒരു മരണം പോലും സംസ്ഥാനത്ത് രേഖപ്പെടുത്തിയിട്ടില്ല; കഴിഞ്ഞ എട്ടു മാസത്തിനിടെ മാത്രം മരിച്ചത് 19 പേര്
- ഇന്ധനക്ഷാമം: കെഎസ്ആര്ടിസിയില് സര്വീസുകള് നിര്ത്തിവയ്ക്കുന്നു
സംസ്ഥാനത്ത് ആഗസ്റ്റ് 26 വരെ ഇടിമിന്നലോടു കൂടിയ മഴയ്ക്ക് സാധ്യത
സംസ്ഥാനത്ത് ഇന്ന് മുതല് 26 വരെ ഒറ്റപ്പെട്ടയിടങ്ങളില് ഇടിമിന്നലോടുകൂടിയ മഴയ്ക്ക് സാധ്യതയുള്ളതായി കേന്ദ്ര കാലവസ്ഥാവകുപ്പിന്റെ മുന്നറിയിപ്പ്. കാര്മേഘം കണ്ട് തുടങ്ങുന്ന സമയം മുതല് തന്നെ മുന്കരുതല് സ്വീകരിക്കണമെന്നും ഇടിമിന്നല് ദൃശ്യമല്ല എന്നതിനാല് ഇത്തരം മുന്കരുതല് സ്വീകരിക്കുന്നതില് നിന്നും വിട്ടുനില്ക്കരുതെന്നും സംസ്ഥാന ദുരന്തനിവാരണ അതോറിറ്റി നിര്ദേശിച്ചു.
ഇടിമിന്നല് ലക്ഷണം കണ്ടാല് തുറസായസ്ഥലങ്ങളില് നില്ക്കുന്നത് ഒഴിവാക്കണം. ജനലും വാതിലും അടച്ചിടണം. ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കണം. വൈദ്യുതി ഉപകരണങ്ങളുമായുള്ള സാമിപ്യം ഒഴിവാക്കണം.
ഇടിമിന്നല് സമയത്ത് ടെറസിലോ ഉയരമുള്ള സ്ഥലങ്ങളിലോ വൃക്ഷക്കൊമ്പിലോ ഇരിക്കുന്നത് അപകടകരമാണ്. പട്ടം പറത്തുന്നത് ഒഴിവാക്കണം. അന്തരീക്ഷം മേഘാവൃതമാണെങ്കില്, തുറസായ സ്ഥലത്തും, ടെറസ്സിലും കുട്ടികളെ കളിക്കാന് അനുവദിക്കരുത്.
