ന്യൂഡല്‍‌ഹി|
ജോര്‍ജി സാം|
Last Modified ശനി, 9 ജനുവരി 2021 (11:09 IST)
ജോസ് കെ മാണി രാജ്യസഭാ എം പി സ്ഥാനം രാജിവച്ചു. ഉപരാഷ്‌ട്രപതി വെങ്കയ്യ നായിഡുവിന് അദ്ദേഹം രാജിക്കത്ത് സമര്‍പ്പിക്കുകയായിരുന്നു.
വരുന്ന നിയമസഭാ തെരഞ്ഞെടുപ്പില്‍ പാലായില്‍ നിന്നോ കടുത്തുരുത്തിയില്‍ നിന്നോ ജോസ് കെ മാണി നിയമസഭയിലേക്ക് മത്‌സരിക്കുമെന്നാണ് റിപ്പോര്‍ട്ടുകള്‍.
ജോസ് കെ മാണി യു ഡി എഫിന്‍റെ ഭാഗമായിരുന്നപ്പോഴാണ് രാജ്യസഭാ അംഗത്വം ലഭിക്കുന്നത്. ഇത് യു ഡി എഫില്‍ വലിയ വിവാദങ്ങള്‍ക്ക് വഴിവച്ചിരുന്നു. ജോസ് എല്‍ ഡി എഫിലേക്ക് വന്നപ്പോള്‍ എം പി സ്ഥാനം രാജിവയ്‌ക്കാത്തതിനെതിരെ യു ഡി എഫ് നേതാക്കള്‍ വിമര്‍ശനമുയര്‍ത്തിയിരുന്നു.
ജോസ് കെ മാണി രാജിവച്ച ഒഴിവില്‍ വരുന്ന രാജ്യസഭാ സീറ്റ് കേരള കോണ്‍ഗ്രസിന് തന്നെ ലഭിക്കുമെന്നാണ് റിപ്പോര്‍ട്ടുകള്‍.
