അനുബന്ധ വാര്ത്തകള്
- വഴിയില് കിടന്നു കിട്ടിയ മദ്യം കുടിച്ച് ഇടുക്കിയിലെ മൂന്ന് യുവാക്കള് ആശുപത്രിയില്; സുഹൃത്തിനെ പോലീസ് ചോദ്യം ചെയ്യുന്നു
- കണ്ണൂരില് സഹോദരന്റെ കുത്തേറ്റ് ചികിത്സയിലായിരുന്ന യുവാവ് മരിച്ചു
- കോഴിക്കോട് അധ്യാപകന്റെ മര്ദ്ദനത്തില് വിദ്യാര്ത്ഥിക്ക് പരിക്കേറ്റു
- തമിഴ്നാട്ടിലെ ഗൂഡല്ലൂരില് രണ്ടുപേരെ കൊന്ന ഒറ്റയാന് വയനാട്ടില് ബത്തിരിയിലിറങ്ങി; കടത്തിണ്ണയില് കിടന്ന മധ്യവയസ്കനെ എടുത്തെറിഞ്ഞു
- കോഴിക്കോട് 12 കാരിയെ ലോഡ്ജില് എത്തിച്ച് പീഡിപ്പിച്ച യുവാവ് അറസ്റ്റിലായി; മൂന്നുവര്ഷം മുമ്പ് പീഡിപ്പിച്ച യുവാവിനും പിടിവീണു
ഇടുക്കി ജില്ലയിലെ ഭൂവിനിയോഗത്തിലെ വിവിധ പ്രശ്നങ്ങള് പരിഹരിക്കുന്നതിനായി 1960 ലെ ഭൂപതിവ് നിയമത്തില് ഭേദഗതി വരുത്തും
ഇടുക്കി ജില്ലയിലെ ഭൂവിനിയോഗത്തിലെ വിവിധ പ്രശ്നങ്ങള് പരിഹരിക്കുന്നതിനായി 1960 ലെ ഭൂപതിവ് നിയമത്തില് ഭേദഗതി വരുത്തും. ഇത് സംബന്ധിച്ച ഭേദഗതി ബില് ഈ മാസം 23നു ആരംഭിക്കുന്ന നിയമസഭാ സമ്മേളനത്തില് അവതരിപ്പിക്കാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ഉന്നതതല യോഗം തീരുമാനിച്ചു.
1960 ലെ ഭൂപതിവ് നിയമത്തില് വകമാറ്റിയുള്ള ഉപയോഗം ക്രമീകരിക്കുന്നതിന് ചട്ടങ്ങളുണ്ടാക്കാന് സര്ക്കാരിന് അധികാരം നല്കുന്ന പുതിയ വകുപ്പ് ചേര്ത്താണ് നിയമ ഭേദഗതി. ഇതിന്റെ തുടര്ച്ചയായി ബന്ധപ്പെട്ട ഭൂപതിവ് ചട്ടങ്ങളും ഭേദഗതി ചെയ്യും.
ജീവിതോപാധിക്കായി നടത്തിയ ചെറു നിര്മ്മാണങ്ങളും (1500 സ്ക്വയര് ഫീറ്റ് വരെയുള്ളവ) കാര്ഷികാവശ്യത്തിനായി അനുവദിക്കപ്പെട്ട ഭൂമിയുടെ വകമാറ്റിയുള്ള ഉപയോഗവും ക്രമീകരിക്കുന്നതിനാകണം നിയമ ഭേദഗതിയും ചട്ട നിര്മ്മാണവും എന്ന് യോഗത്തില് മുഖ്യമന്ത്രി നിര്ദേശിച്ചു. ഇതിനായി അപേക്ഷ ഫീസും ക്രമവല്ക്കരിക്കുന്നതിനുള്ള പ്രത്യേക ഫീസും ഈടാക്കുന്നത് സംബന്ധിച്ച വ്യവസ്ഥകള് ചട്ടത്തില് ഉള്പ്പെടുത്താനും യോഗത്തില് തീരുമാനമായി.
