അനുബന്ധ വാര്ത്തകള്
- Gold Price: സംസ്ഥാനത്ത് കുതിച്ചുയര്ന്ന് സ്വര്ണവില
- കോട്ടയത്ത് കിടപ്പുമുറിയില് തീപടര്ന്ന് വയോധികയ്ക്ക് ദാരുണാന്ത്യം
- സംസ്ഥാനത്ത് ഇന്നും ചൂടുകൂടും; മൂന്നുജില്ലകളില് യെല്ലോ അലര്ട്ട്
- അയോധ്യയിലേക്കുള്ള കേരളത്തില് നിന്നുള്ള രണ്ടാമത്തെ ട്രെയില് പുറപ്പെട്ടു
- Lok Sabha Election 2024: കൊല്ലത്ത് എന്.കെ.പ്രേമചന്ദ്രന് തന്നെ; പ്രഖ്യാപിച്ച് ആര്.എസ്.പി
ചൂട് കഠിനം: സംസ്ഥാനത്ത് ആറുജില്ലകളില് യെല്ലോ അലര്ട്ട്
ചൂട് കഠിനമായ സാഹചര്യത്തില് സംസ്ഥാനത്ത് ആറുജില്ലകളില് യെല്ലോ അലര്ട്ട് പ്രഖ്യാപിച്ചു. ഇന്നും നാളെയും എറണാകുളം, തൃശൂര്, കണ്ണൂര് ജില്ലകളില് ഉയര്ന്ന താപനില 37 ഡിഗ്രി സെല്ഷ്യസ് വരെയും ആലപ്പുഴ, കോട്ടയം, കോഴിക്കോട് എന്നീ ജില്ലകളില് ഉയര്ന്ന താപനില 34 ഡിഗ്രി സെല്ഷ്യസ് വരെയും സാധാരണയേക്കാള് രണ്ട് മുതല് നാല് ഡിഗ്രി സെല്ഷ്യസ് വരെ കൂടുതല് താപനില ഉയരാനും സാധ്യതയുണ്ടെന്നാണ് മുന്നറിയിപ്പ്.
ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകും. അതുകൊണ്ട് പൊതുജനങ്ങള് താഴെ പറയുന്ന നിര്ദേശങ്ങള് പാലിക്കേണ്ടതാണ്. പകല് 11 am മുതല് 3 pm വരെയുള്ള സമയത്ത് നേരിട്ട് ശരീരത്തില് കൂടുതല് സമയം തുടര്ച്ചയായി സൂര്യപ്രകാശം ഏല്ക്കുന്നത് ഒഴിവാക്കുക. പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക. നിര്ജലീകരണമുണ്ടാക്കുന്ന മദ്യം, കാപ്പി, ചായ, കാര്ബണേറ്റഡ് സോഫ്റ്റ് ഡ്രിങ്കുകള് തുടങ്ങിയ പാനീയങ്ങള് പകല് സമയത്ത് ഒഴിവാക്കുക. അയഞ്ഞ, ഇളം നിറത്തിലുള്ള കോട്ടണ് വസ്ത്രങ്ങള് ധരിക്കുക. പുറത്തിറങ്ങുമ്പോള് പാദരക്ഷകള് ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും.
