കൊല്ലം|
എ കെ ജെ അയ്യര്‍|
Last Updated:
വ്യാഴം, 24 സെപ്‌റ്റംബര്‍ 2020 (08:57 IST)
സംസ്ഥാന സര്‍ക്കാരിന്റെ 100 ദിന കര്‍മ്മ പദ്ധതിയില്‍ ഉള്‍പ്പെടുത്തി ഭക്ഷ്യ പൊതുവിതരണ വകുപ്പിന്റെ ആഭിമുഖ്യത്തില്‍ 87 ലക്ഷം കാര്‍ഡുടമകള്‍ക്ക് നാലു മാസത്തേക്കുള്ള
സൗജന്യ ഭക്ഷ്യകിറ്റ് വിതരണത്തിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന്‍ ഇന്ന് രാവിലെ 11 ന് വീഡിയോ കോണ്‍ഫറന്‍സിലൂടെ നിര്‍വ്വഹിക്കും.
ഭക്ഷ്യ പൊതുവിതരണ വകുപ്പ് മന്ത്രി പി തിലോത്തമന്‍ അധ്യക്ഷനാകും. പദ്ധതിയുടെ ജില്ലാതല വിതരണോദ്ഘാടനം ആദിച്ചനല്ലൂര്‍ ഗ്രാമപ്പഞ്ചായത്തിലെ 297-ാം നമ്പര്‍ റേഷന്‍ ഡിപ്പോയില്‍ ജി എസ് ജയലാല്‍ എം എല്‍ എ നിര്‍വഹിക്കും.
ആദിച്ചനല്ലൂര്‍ പഞ്ചായത്ത് പ്രസിഡന്റ് എം സുഭാഷ്, ജില്ലാ പഞ്ചായത്തംഗങ്ങളായ സി പി പ്രമോദ്, എന്‍ രവീന്ദ്രന്‍, ബ്ലോക്ക് പഞ്ചായത്തംഗങ്ങളായ ഷേര്‍ലി സ്റ്റീഫന്‍, മൈലക്കാട് സുനില്‍, പഞ്ചായത്തംഗങ്ങളായ എന്‍ അജയകുമാര്‍, ഹേമ സതീഷ്, റോയിസണ്‍, റംല ബഷീര്‍, ജില്ലാ സപ്ലൈ ഓഫീസര്‍, താലൂക്ക് സപ്ലൈ ഓഫീസര്‍, സിവില്‍ സപ്ലൈസ് ജില്ലാ ഡിപ്പോ മാനേജര്‍ ഗോപകുമാര്‍ തുടങ്ങിയവര്‍ പങ്കെടുക്കും.
