അനുബന്ധ വാര്ത്തകള്
- ബുറേവി: പൊന്മുടിയിലെ രക്ഷാപ്രവര്ത്തനങ്ങള്ക്ക് കെഎസ്ആര്ടിസി നല്കിയത് 16 ബസുകള്
- വ്യായാമം ചെയ്യുമ്പോൾ വേണ്ട, മാസ്ക് ഉപയോഗത്തിൽ പുതുക്കിയ മാർഗനിർദേശങ്ങളുമായി ഡബ്ല്യുഎച്ച്ഒ
- ബുറേവി മണിക്കൂറില് 30മുതല് 40 വേഗതയില് തിരുവനന്തപുരത്തെ വടക്ക് കിഴക്കന് മേഖലയിലൂടെ അറബിക്കടലിലെത്തും
- സ്വപ്ന കോടതിയിൽ രഹസ്യമൊഴി രേഖപ്പെടുത്തുന്നു, അഭിഭാഷകൻ വക്കാലത്ത് ഒഴിഞ്ഞു
- മൊഴികൾ മാത്രം പോരാ, ശിവശങ്കറിനെതിരെ തെളിവുകൾ ഹാജരാക്കണമെന്ന് കസ്റ്റംസിനോട് കോടതി
പൊതു അവധി: തിരുവനന്തപുരം ജില്ലയില് തെരഞ്ഞെടുപ്പ് പ്രവര്ത്തനങ്ങളുമായി ബന്ധപ്പെട്ട ഓഫിസുകള് പ്രവര്ത്തിക്കും
ബുറേവി ചുഴലിക്കാറ്റിന്റെ പശ്ചാത്തലത്തില് ജില്ലയില് ഇന്ന് അവധി പ്രഖ്യാപിച്ചിട്ടുണ്ടെങ്കിലും തദ്ദേശ തെരഞ്ഞെടുപ്പുമായി ബന്ധപ്പെട്ട എല്ലാ പ്രവര്ത്തനങ്ങളും തടസമില്ലാതെ നടക്കുമെന്ന് ജില്ലാ തെരഞ്ഞെടുപ്പ് ഓഫിസര് കൂടിയായ കളക്ടര് ഡോ. നവ്ജ്യോത് ഖോസ അറിയിച്ചു.
തെരഞ്ഞെടുപ്പു പ്രവര്ത്തനങ്ങളുമായി ബന്ധപ്പെട്ട എല്ലാ ഓഫിസുകളും പ്രവര്ത്തിക്കണം. ഇലക്ട്രോണിക് വോട്ടിങ് മെഷീനുകളുടെ കമ്മീഷനിങ് നാളെ നടക്കും. പോളിങ് ഉദ്യോഗസ്ഥരുടെ പരിശീലനം നിശ്ചയിച്ച സമയത്തുതന്നെ നടക്കും. സ്ഥലത്തിനോ സമയത്തിനോ മാറ്റമുണ്ടാകില്ല. പോളിങ് ഉദ്യോഗസ്ഥരുടെ പോസ്റ്റിങ് ഓര്ഡര് നല്കുന്ന ജോലികളും തടസമില്ലാതെ നടക്കും.
തദ്ദേശ സ്വയംഭരണ സ്ഥാപനങ്ങളുടെ ഓഫിസുകള് പ്രവര്ത്തിക്കും. പോസ്റ്റല് ബാലറ്റ് നല്കുന്ന ജോലികളും തടസമില്ലാതെ നടക്കും. തെരഞ്ഞെടുപ്പുമായി ബന്ധപ്പെട്ട ജോലികള്ക്കു നിയോഗിച്ചിരിക്കുന്ന എല്ലാ ഉദ്യോഗസ്ഥരും പതിവു പോലെ ഓഫിസില് ഹാജരാകണമെന്നും കളക്ടര് നിര്ദേശിച്ചു.
