അനുബന്ധ വാര്ത്തകള്
- ഫോനി ഇന്ന് അതിതീവ്ര ചുഴലിക്കാറ്റായി മാറ്റും; കേരളത്തിൽ ശക്തമായ കാറ്റിനും മഴയ്ക്കും സധ്യത; ജാഗ്രത നിർദേശം
- വീട്ടമ്മയുടെ നഗ്നചിത്രം പകർത്തി ഭീഷണിപ്പെടുത്തി മൂന്ന് ലക്ഷവും 20 പവനും കൈക്കലാക്കി; സ്കൂൾ ബസ് ഡ്രൈവർ അറസ്റ്റിൽ
- ശ്രീലങ്ക സ്ഫോടനം: ഫഹദിനും മമ്മൂട്ടിക്കും പറയാനുള്ളതെന്ത്? -വിവാദപരാമര്ശവുമായി കെ എസ് രാധാകൃഷ്ണന്
- എന്റെ വോട്ട് മറ്റാരോ ചെയ്തു, ഞാൻ വോട്ട് ചെയ്യാതെ മടങ്ങി: ഷാലറ്റ്
- ആമിയുടെ വിവാഹം അടുത്തമാസം, രൂപേഷിന് സുരക്ഷയൊരുക്കണമെന്ന് കോടതി
ചില്ലിചിക്കനില് ചത്ത പാറ്റ, ചോദ്യം ചെയ്താല് ഗുണ്ടായിസം; പരാതിയുമായി ഡോക്ടർമാർ
കഴിഞ്ഞ ദിവസം ചില്ലിചിക്കനില് നിന്നും ചത്ത പാറ്റയെ കിട്ടിയതോടെയാണ് ഹൗസ് സര്ജന്മാരും ക്യാന്റീന് ജീവനക്കാരും തമ്മില് പോര് മൂര്ച്ഛിച്ചത്.
തിരുവനന്തപുരം ജനറല് ആശുപത്രിയിലെ ക്യാന്റീനിനെതിരെ പരാതിയുമായി ഒരു വിഭാഗം ഹൗസ് സര്ജന്മാർ. മോശമായ ആഹാരമാണ് ഇവിടെ പാചകം ചെയ്യുന്നതെന്നും ചോദ്യം ചെയ്താല് ജീവനക്കാര് ഭീഷണിപ്പെടുത്തുന്നതായും ഹൗസ് സര്ജന്മാര് പരാതിപ്പെട്ടു. ഇതുസംബന്ധിച്ച് ആശുപത്രി സൂപ്രണ്ടിന് ഇവര് പരാതിയും നല്കിയിട്ടുണ്ട്. ഓൺലൈൻ വാർത്താ പോർട്ടലായ ഇ-വാർത്തയാണ് ഇത് റിപ്പോർട്ട് ചെയ്തിരിക്കുന്നത്.
കഴിഞ്ഞ ദിവസം ചില്ലിചിക്കനില് നിന്നും ചത്ത പാറ്റയെ കിട്ടിയതോടെയാണ് ഹൗസ് സര്ജന്മാരും ക്യാന്റീന് ജീവനക്കാരും തമ്മില് പോര് മൂര്ച്ഛിച്ചത്. ഭക്ഷണത്തില് ചത്ത പാറ്റയെന്ന് പരാതിപ്പെട്ടെങ്കിലും ക്യാന്റീന് ജീവനക്കാര് ഹൗസ് സര്ജന്മാരെ ഭീഷണിപ്പെടുത്തുകയാണ് ചെയ്തത്.
ഇതിനു മുമ്പും നിരവധി തവണ ക്യാന്റീനിലെ ഭക്ഷണത്തെ കുറിച്ച് പരാതി പറഞ്ഞിട്ടുണ്ടെന്നും എന്നാല് ഗുണ്ടകളെ പോലെയാണ് ജീവനക്കാര് തങ്ങളോട് പെരുമാറുന്നതെന്നും വെബ്സൈറ്റ് റിപ്പോർട്ട് ചെയ്യുന്നു. ജീവനക്കാരുടെ മോശം പെരുമാറ്റം തുടര്ക്കഥയായതോടെ ഹൗസ് സര്ജന്മാര് ക്യാന്റീനിലെ ഭക്ഷണം ഉപേക്ഷിച്ചിരിക്കുകയാണ്.
ഇതോടെ ഡ്യൂട്ടി സമയത്ത് ചായയോ ഭക്ഷണമോ കഴിക്കണമെങ്കില് പുറത്തെ ഹോട്ടലുകളെ ആശ്രയിക്കേണ്ട ഗതികേടിലാണ് ഹൗസ് സര്ജന്മാർ. തിരക്കുള്ള സമയത്താണെങ്കില് പലപ്പോഴും പട്ടിണിയിരിക്കേണ്ടതായി വരുമെന്നും ഇവര് പരാതിപ്പെടുന്നു. ആശുപത്രി സൂപ്രണ്ട് ഇടപെട്ട് പ്രശ്നങ്ങള് പരിഹരിക്കണമെന്നാണ് ഹൗസ് സര്ജന്മാരുടെ ആവശ്യം.
അതേസമയം ഹൗസ് സര്ജന്മാര് ക്യാന്റീനിനെതിരെ പരാതി നല്കിയിട്ടുണ്ടെന്ന് ആശുപത്രി സൂപ്രണ്ടും വ്യക്തമാക്കി. ഇതേക്കുറിച്ച് ഫുഡ് ഇന്സ്പെകടര് ഉള്പ്പെട്ട ഒരു ടീം അന്വേഷണം നടത്തി. എന്നാല് ഭക്ഷണം മോശമാണെന്ന് കണ്ടെത്താനായില്ല. ഹൗസ് സര്ജന്മാര്ക്കെതിരെ ക്യാന്റീന് ജീവനക്കാരും തനിക്ക് പരാതി നല്കിയിട്ടുണ്ടെന്നും ഇതേക്കുറിച്ചും അന്വേഷണം നടത്തുമെന്നും സൂപ്രണ്ട് പറഞ്ഞു.
