അനുബന്ധ വാര്ത്തകള്
- പ്ലസ് വണ് സപ്ലിമെന്ററി അലോട്ട്മെന്റില് ഇന്നുമുതല് അപേക്ഷിക്കാം; ഇക്കാര്യങ്ങള് ശ്രദ്ധിക്കണം
- ന്യൂനമര്ദ്ദ പാത്തിയും ചക്രവാതചുഴിയും; സംസ്ഥാനത്ത് മഴ തുടരും, ആറ് ജില്ലകളില് യെല്ലോ അലര്ട്ട്
- പ്ലസ് വണ്ണില് ചേര്ന്ന് വിദ്യാര്ത്ഥിയെ സീനിയര് വിദ്യാര്ത്ഥികള് റാഗിങ് ചെയ്തു; മലപ്പുറത്ത് വേങ്ങരയില് മര്ദ്ദനമേറ്റ വിദ്യാര്ത്ഥി ആശുപത്രിയില്
- ഭക്ഷണം തൊണ്ടയിൽ കുടുങ്ങി നാലാം ക്ലാസുകാരി മരിച്ചു
- പോലീസുകാര്ക്കിടയിലെ ആത്മഹത്യ പ്രവണത തടയാന് യോഗ സഹായിക്കുമെന്ന് മുഖ്യമന്ത്രി; എട്ടുമണിക്കൂര് ജോലി വേഗത്തില് നടപ്പിലാക്കാന് സാധിക്കില്ല
എകെജി സെന്റര് ആക്രമണ കേസ്: ഒളിവിലായിരുന്ന യൂത്ത് കോണ്ഗ്രസ് നേതാവ് പിടിയില്, കെ.സുധാകരനുമായി അടുത്ത ബന്ധം?
രണ്ട് വര്ഷത്തോളമായി പ്രതി വിദേശത്ത് ഒളിവില് ആയിരുന്നു
AKG Center Attacked Case
തിരുവനന്തപുരത്തെ എകെജി സെന്റര് ആക്രമണ കേസില് യൂത്ത് കോണ്ഗ്രസ് നേതാവ് അറസ്റ്റില്. തിരുവനന്തപുരം മുന് ജില്ലാ സെക്രട്ടറി സുഹൈല് ഷാജഹാനാണ് അറസ്റ്റിലായത്. വിദേശത്തായിരുന്ന സുഹൈല് ഡല്ഹി വിമാനത്താവളത്തില് എത്തിയപ്പോഴാണ് പിടിയിലായത്. എകെജി സെന്ററിലേക്ക് പടക്കം എറിയാന് നിര്ദേശം നല്കിയത് സുഹൈല് ആണെന്നാണ് ക്രൈം ബ്രാഞ്ച് കണ്ടെത്തല്.
രണ്ട് വര്ഷത്തോളമായി പ്രതി വിദേശത്ത് ഒളിവില് ആയിരുന്നു. ഇയാള്ക്കു വേണ്ടി ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. ഇന്ന് പുലര്ച്ചെയാണ് ഡല്ഹി എയര്പോര്ട്ടില് നിന്ന് ഇയാളെ പിടികൂടാന് സാധിച്ചത്. കാഠ്മണ്ഡുവിലേക്ക് കടക്കാനുള്ള ശ്രമത്തിനിടെയാണ് ക്രൈം ബ്രാഞ്ച് പിടികൂടിയത്. തിരുവനന്തപുരം ക്രൈം ബ്രാഞ്ച് സംഘം ഇന്ന് വൈകുന്നേരത്തോടെ സുഹൈലിനെ തിരുവനന്തപുരത്ത് എത്തിക്കും.
എകെജി സെന്റര് ആക്രമണ കേസിലെ രണ്ടാം പ്രതിയാണ് സുഹൈല്. ഇയാള്ക്ക് കെപിസിസി അധ്യക്ഷന് കെ.സുധാകരനുമായി അടുത്ത ബന്ധമുണ്ടെന്നാണ് വിവരം. കേസില് ഇനി ഒരാള് കൂടി പിടിയിലാകാനുണ്ട്.
