ലണ്ടന്‍|
WEBDUNIA|
Last Modified ബുധന്‍, 22 ജൂലൈ 2009 (16:55 IST)
ഫേസ്ബുക്ക് ഉപയോക്താക്കള്‍ക്കായി യുബിസോഫ്റ്റ് പുതിയ ഗെയിംസ് പുറത്തിറക്കി. ടിക്ക് ടോക്ക് ഗെയിമാണ് നിലവില്‍ പുറത്തിറക്കിയിരിക്കുന്നത്. മാഫിയ വാര്സ്, വേര്ഡ്സ്കാര്പര് തുടങ്ങി ഒട്ടനവധി ഗെയിമുകള്‍ നേരത്തെ തന്നെ യുബിസോഫ്റ്റ് പുറത്തിറക്കിയിട്ടുണ്ട്. ഫേസ്ബുക്കിനായി യുബിഫ്രന്‍റ്‌സ് എന്ന ഗെയിം പോര്‍ട്ടല്‍ തന്നെ പ്രവര്‍ത്തിക്കുന്നുണ്ട്.
വര്‍ഷങ്ങളായി ഗെയിം നിര്‍മ്മാണത്തില്‍ യുബിസോഫ്റ്റ് ഏറെ മുന്നിലാണെന്നും ഫേസ്ബുക്കില്‍ നിന്ന് തങ്ങള്‍ക്ക് ലഭിക്കുന്ന അനുഭവത്തില്‍ ഏറെ സന്തോഷമുണ്ടെന്നും കമ്പനിയുടെ നോര്‍ത്ത് അമേരിക്കന്‍ മേധാവി ലോറന്‍റ് ഡിറ്റോക് പറഞ്ഞു. ചോദ്യവും ഉത്തരവും ബന്ധപ്പെടുത്തിയുള്ളതാണ് പുതിയ ടിക്‍ടോക് ഗെയിം.
അതേസമയം, കൂടുതല്‍ രസകരമായ ഗെയിമുകള്‍ ഫേസ്ബുക്ക് ഉപയോക്താക്കളിലെത്തിക്കാന്‍ പദ്ധതിയുണ്ടെന്ന് അദ്ദേഹം പറഞ്ഞു. ഇത്തരത്തിലുള്ള വലിയൊരു പദ്ധതിയുടെ പ്രവര്‍ത്തനം നടന്നുക്കൊണ്ടിരിക്കുകയാണ്. കൂടുതല്‍ ഗെയിമുകള്‍ സോഷ്യല്‍ നെറ്റ്വര്‍ക്ക് സൈറ്റുകളില്‍ പ്രചരിപ്പിച്ച് വരുമാനം നേടാനുള്ള പദ്ധതിയിലാണ് യുബിസോഫ്റ്റ്.
