അനുബന്ധ വാര്ത്തകള്
- ഇനി കളി ഇന്റർനാഷണൽ: അവഞ്ചേഴ്സ് സംവിധായകരുടെ ചിത്രത്തിൽ ധനുഷ്, കൂടെ ക്രിസ് ഇവാൻസും റയാൻ ഗോസ്ലിങ്ങും
- വാഹനങ്ങളുടെ ഫാസ്ടാഗ്: ഉപഭോക്താക്കളുടെ എണ്ണം 2 കോടി പിന്നിട്ടു
- നെറ്റ്ഫ്ലിക്സിനും ആമസോൺ പ്രൈമിനും നിയന്ത്രണങ്ങൾ വേണമെന്ന് ആവശ്യപ്പെട്ട് സുപ്രീം കോടതിയിൽ ഹർജി
- പൊതുമേഖലാ ബാങ്കുകൾ സേവനങ്ങൾ വിപുലീകരിക്കുന്നു: ഒക്ടോബറോടെ സേവനങ്ങൾ വീട്ടുപടിക്കൽ
- സ്ട്രീമിംഗ് സേവനങ്ങളെല്ലാം ഒരൊറ്റ അക്കൗണ്ടിൽ!! ജിയോ ടിവി പ്ലസുമായി റിലയൻസ്
പാസ്വേർഡ് പങ്കുവെക്കൽ ഇനി നടക്കില്ല, നിയന്ത്രണങ്ങൾക്കൊരുങ്ങി നെറ്റ്ഫ്ലിക്സ്
പാസ്വേർഡ് പങ്കുവെച്ച് ഷോകൾ ആസ്വദിക്കുന്നത് തടയാനൊരുങ്ങി നെറ്റ്ഫ്ലിക്സ്. പസ്വേർഡ് പങ്കുവെയ്ക്കുന്നത് തടയാൻ നിയന്ത്രണങ്ങൾ ഏർപ്പെടുത്തനാണ് ലമ്പനി ആലോചിക്കുന്നത്. പാസ്വേർഡ് പങ്കുവെച്ച് കൊണ്ട് ഉപയോഗിക്കുന്ന ചിലർക്ക് ഇത്തരത്തിൽ സന്ദേശങ്ങൾ വന്നുതുടങ്ങി. ഇത് പരീക്ഷണഘട്ടത്തിലാണെന്നും അതിനാൽ ചില അക്കൗണ്ടുകളിൽ മാത്രമെ ഇത്തരം സന്ദേശങ്ങൾ കാണിച്ചു തുടങ്ങുള്ളുവെന്നും നെറ്റ്ഫ്ലിക്സ് പറഞ്ഞു.
ഈ അക്കൗണ്ട് ഉടമയോടൊപ്പമല്ല നിങ്ങൾ കഴിയുന്നതെങ്കിൽ, തുടർന്ന് കാണുന്നതിന് നിങ്ങൾ സ്വന്തം അക്കൗണ്ട് എടുക്കണം എന്നാണ് സന്ദേശം. സന്ദേശം ഒഴിവാക്കി നെറ്റ്ഫ്ലിക്സ് കാണാൻ ഉപഭോക്താക്കൾക്ക് കഴിയും എന്നാൽ അടുത്ത തവണ നെറ്റ്ഫ്ലിക്സ് തുറക്കുമ്പോൾ വീണ്ടും ഈ സന്ദേശം പ്രത്യക്ഷപ്പെടും.താമസിയാതെ ഇവർക്ക് പുതിയ അക്കൗണ്ട് എടുക്കേണ്ടതായി വരും.
ടെക്സ്റ്റ് സേജ് വഴിയോ ഇ-മെയിൽ വഴിയോ നൽകുന്ന പ്രത്യേക കോഡ് ഉപയോഗിച്ച് അക്കൗണ്ട് തുറക്കാൻ കഴിയുന്ന സംവിധാനമായിരിക്കും നെറ്റ്ഫ്ലിക്സ് കൊണ്ടുവരിക. നിലവിൽ നെറ്റ്ഫ്ലിക്സ് നിബന്ധന അനുസരിച്ച് അക്കൗണ്ട് ഉടമയുടെ വീടിനു പുറത്ത് താമസിക്കുന്ന ആൾക്ക് അക്കൗണ്ട് പാസ്വേർഡ് പങ്കുവെക്കാൻ പാടില്ല.
