ഓണ്‍‌ലൈന്‍ ഗെയിമുകള്‍ക്ക് പ്രചാരമേറിയതോടെ ഗൂഗിളും ഗെയിംസ് മേഖലയിലേക്ക് തിരിയുന്നു. ഐഗൂഗിളിന്‍റെ പൂമുഖ താളുകളിലായിരിക്കും ഇത്തരം പുതിയ ഗെയിമുകളും ഗെയിംസ് തീമുകളും നല്‍കുക.
സാന്‍ഫ്രാന്‍സിസ്കോയില്‍ നടക്കാനിരിക്കുന്ന ഗെയിം ഡെവലപേഴ്സ് കോണ്‍ഫറന്‍സിലായിരിക്കും പുതിയ ഗെയിമുകളുടെ മാതൃകകള്‍ പുറത്തിക്കുക എന്ന് ഗൂഗിള് അധികൃതര്‍ അറിയിച്ചു.
ഗൂഗിളിന്‍റെ സേര്ച്ച് പ്രൊഡക്ട്സ് ആന്‍ഡ് യൂസര്‍ എക്സ്പീരിയന്‍സ് വിഭാഗം വൈസ് പ്രസിഡന്‍റ് മരിസ്സ മേയറായിരിക്കും ജിഡിസി 2009 പങ്കെടുത്ത് പുതിയ ഗെയിംസ് തീമുകള്‍ സംബന്ധിച്ച് പ്രഖ്യാപനം നടത്തുക. തങ്ങള്‍ വ്യത്യസ്തമായ ഗെയിമുകളാണ് നിര്‍മ്മിച്ചിരിക്കുന്നതെന്നും ഉപയോക്താക്കള്‍ക്ക് ഇത് ഏറെ ഇഷ്ടപ്പെടുമെന്നാണ് കരുതുന്നതെന്നും ഗൂഗിള് വക്താവ് പറഞ്ഞു. രസകരമായ കഥാപാത്രങ്ങളെ ഉള്‍പ്പെടുത്തിയാണ് ഗെയിമുകള്‍ നിര്‍മ്മിച്ചിരിക്കുന്നതെന്നും അദ്ദേഹം അറിയിച്ചു.
