പ്രസിദ്ധ പോപ് സ്റ്റാര് മരിയ കാരെ തന്‍റെ ഏറ്റവും പുതിയ ആല്ബം പുറത്തിറക്കാന്‍ ഇടം കണ്ടെത്തിയിരിക്കുന്നത് ജനപ്രിയ മൈക്രോ ബ്ലോഗിംഗ് സൈറ്റായ ട്വിറ്ററാണ്. തന്‍റെ ആരാധകരുടെ താല്‍‌പര്യം പരിഗണിച്ചാണ് പുതിയ ആല്ബം ട്വിറ്ററിലൂടെ പുറത്തിറക്കുന്നതെന്ന് മരിയ പറഞ്ഞു.
മെമ്മറീസ് ഓഫ് ആന്‍ ഇംപെര്‍ഫക്ട് ഏയ്ഞ്ചല്‍ എന്നാണ് തന്‍റെ പുതിയ ആല്ബത്തിന്റെ പേരെന്നും കാരെ വ്യക്തമാക്കി.
മുപ്പത്തി ഒമ്പതുകാരിയായ മരിയയുടെ അവസാ‍ന ആല്ബം ഇ=എം സി2 ന് അമേരിക്കയില്‍ വന്‍ പ്രചാരമാണ് ലഭിച്ചിരുന്നത്. അതേസമയം, ട്വിറ്ററിലൂടെ പുറത്തിറക്കുന്ന പുതിയ ആല്‍ബത്തെ കുറിച്ച് കൂടുതല്‍ വ്യക്തത നല്‍കാന്‍ മരിയ തയാറായില്ല. ഇതിനുപുറമെ, മരിയ ദി ഡ്രീം എന്നൊരു ആല്ബത്തിന്റെ പണിപ്പുരയിലാണ്.
