അമ്മാവനും മരുമകനും തമ്മിലുള്ള ബന്ധം സ്നേഹത്തിന്‍റേതാണ്. മരുമകന്‍ എന്നതു കൊണ്ട് സഹോദരിയുടെ മകന്‍ എന്നാണുദ്ദേശിക്കുന്നത്. എന്നാല്‍, ഇവര്‍ ഒരുമിച്ച് തോണിയാത്ര നടത്തിയാല്‍ തോണി മറിയുന്ന ഒരു സ്ഥലമുണ്ട്! ഇപ്രാവശ്യത്തെ വിശ്വസിച്ചാലും ഇല്ലെങ്കിലും പരമ്പരയില്‍ ഈ പ്രത്യേക സ്ഥലത്തേക്കാണ് ഞങ്ങള്‍ നിങ്ങളുടെ ശ്രദ്ധ ആകര്‍ഷിക്കുന്നത്.ഫോട്ടോഗാലറി
മദ്ധ്യപ്രദേശില്‍ നര്‍മ്മദാ തീരത്ത് നേമാവര്‍ എന്ന സ്ഥലമുണ്ട്. ഇവിടെ നദിയുടെ മധ്യത്തില്‍ ഒരു ചുഴിയുണ്ട്. നദിയുടെ അടിത്തട്ടില്‍ സ്വാഭിവകമായി രൂപപ്പെട്ട ഒരു ഗുഹയുള്ളതാണ് ചുഴിയുണ്ടാവാനുള്ള കാരണം. നാഭി കുണ്ട് എന്നാണ് ഇവിടം അറിയപ്പെടുന്നത്. വളരെ ദൂരെ സ്ഥലങ്ങളില്‍ നിന്ന് പോലും ആള്‍ക്കാര്‍ ഇവിടം സന്ദര്‍ശിക്കാനെത്തുന്നു.എന്നാല്‍, അമ്മാവനും മരുമകനും ഒരേ തോണിയില്‍ നാഭി കുണ്ട് സന്ദര്‍ശിച്ചാല്‍ തോണി മറിയുമെന്നത് ഉറപ്പാണെന്നാണ് ഇവിടെയുള്ളവര്‍ വിശ്വസിക്കുന്നത്.
WEBDUNIA|
WD
ഏത് കാര്യത്തിനും ഒരു പോംവഴിയുണ്ടാകും. ഈ പ്രശ്നത്തിനും അതുണ്ട്. അമ്മാവനും മരുമകനും തോണിയില്‍ കയറും മുമ്പ് തോണിക്ക് വേണ്ടി പ്രത്യേക പൂജ നടത്തിയാല്‍ ഭയപ്പെടാനാനൊന്നുമില്ലാതെ നാഭി കുണ്ട് സന്ദര്‍ശിക്കാമെന്നാണ് ഇവിടെയുള്ളവര്‍ വിശ്വസിക്കുന്നത്.
