അനുബന്ധ വാര്ത്തകള്
- പ്ലേ ഓഫിനായി ബാംഗ്ലൂര് ഇനിയും കാത്തിരിക്കണം; പഞ്ചാബിനെതിരെ നിര്ണായക മത്സരത്തില് തോല്വി
- പ്ലേ ഓഫ് ഉറപ്പിക്കാൻ ബാംഗൂർ ഇറങ്ങുന്നു, പുറത്താവാതിരിക്കാൻ പഞ്ചാബിന് വിജയം അനിവാര്യം
- ഇന്ന് ജയിച്ചാല് ആര്സിബി പ്ലേ ഓഫില്
- ബ്രണ്ടന് മക്കല്ലം കൊല്ക്കത്ത നൈറ്റ് റൈഡേഴ്സ് പരിശീലക സ്ഥാനം ഒഴിയുന്നു
- എനിക്കൊരിക്കലും ഇങ്ങനെ സംഭവിച്ചിട്ടില്ല: ഗോൾഡൻ ഡക്കായതിനെ പറ്റി കോലി
റോയല് ചലഞ്ചേഴ്സ് ബാംഗ്ലൂര് പ്ലേ ഓഫ് കാണാതെ പുറത്തായേക്കും ! തിരിച്ചടിയാകുക ഇക്കാര്യം
റോയല് ചലഞ്ചേഴ്സ് ബാംഗ്ലൂര് പ്രതിരോധത്തില്. ഐപിഎല് 15-ാം സീസണില് പ്ലേ ഓഫ് കാണാതെ ഫാഫ് ഡു പ്ലെസിസ് നയിക്കുന്ന ആര്സിബി പുറത്തായേക്കും. ഗ്രൂപ്പ് ഘട്ടത്തില് ആര്സിബിക്ക് ശേഷിക്കുന്നത് ഒരു കളി മാത്രം. ഈ കളിയില് ജയിച്ചാലും ആര്സിബിക്ക് പ്ലേ ഓഫില് കയറുക പ്രയാസകരമാണ്.
നെറ്റ് റണ് റേറ്റാണ് ആര്സിബിക്ക് തിരിച്ചടിയാകുക. നിലവില് 13 കളികളില് നിന്ന് ഏഴ് ജയവും ആറ് തോല്വിയുമായി 14 പോയിന്റോടെ നാലാം സ്ഥാനത്താണ് ആര്സിബി. 12 കളികളില് നിന്ന് ആറ് ജയം വീതമുള്ള ഡല്ഹി, പഞ്ചാബ് എന്നീ ടീമുകള് യഥാക്രമം അഞ്ചും ആറും സ്ഥാനത്തുണ്ട്. ഇരു ടീമുകള്ക്കും രണ്ട് കളികള് ശേഷിക്കുന്നു. ഇതില് ഏതെങ്കിലും ടീം രണ്ട് കളികള് ജയിച്ചാല് അവര് നാലാം സ്ഥാനത്തേക്ക് എത്തും. ആര്സിബി പോയിന്റ് ടേബിളില് നാലാം സ്ഥാനത്തുനിന്ന് താഴേക്ക് വീഴും. കാരണം ഡല്ഹിക്കും പഞ്ചാബിനും നെറ്റ് റണ്റേറ്റ് പോസിറ്റീവ് ആണ്. ബാംഗ്ലൂരിന്റെ നെറ്റ് റണ്റേറ്റ് -0.323 ആണ്. നെറ്റ് റണ്റേറ്റ് നെഗറ്റീവ് ആയി തുടരുന്നത് ആര്സിബിക്ക് അവസാന ലാപ്പില് വന് തിരിച്ചടിയാകുമെന്നാണ് വിലയിരുത്തല്.
