ബുധന്‍, 13 നവം‌ബര്‍ 2024
  1. കായികം
    2. »
  2. മറ്റു കളികള്‍
    3. »
  3. കൗതുക വിവരങ്ങള്‍

കാകയ്‌ക്കും പ്രിയം റൊണാള്‍ഡോ

PROPRO
ഇംഗ്ലീഷ് പ്രീമിയര്‍ ലീഗിലൂടെ ലോകം മുഴുവന്‍ ഫുട്ബോള്‍ ആരാധകരുടെ കണ്ണിലുണ്ണിയായി മാറിയ പോര്‍ച്ചുഗീസ് താരം ക്രിസ്ത്യാനോ റൊണാള്‍ഡോ കളിക്കാര്‍ക്കിടയിലും ആരാധകരെ സൃഷ്ടിക്കുന്നു. ഇറ്റാലിയന്‍ക്ലബ്ബ് എസി മിലാന്‍റെ പ്ലേ മേക്കര്‍ കാക തന്നെ താന്‍ ക്രിസ്ത്യാനോയുടെ ആരാധകനാണെന്ന് വ്യക്തമാക്കുകയാണ്.

യുവേഫ ചാമ്പ്യന്‍സ് ലീഗില്‍ സെമിയില്‍ എത്തിയിരിക്കുന്ന ഇംഗ്ലീഷ് ക്ലബ്ബ് മാഞ്ചസ്റ്റര്‍ യുണൈറ്റഡിനു കപ്പ് നേടാനുള്ള സാധ്യതകള്‍ കാക കല്‍പ്പിക്കുന്നത് തന്നെ ക്രിസ്ത്യാനോയുടെ മാന്ത്രികതയുടെ പേരിലാണ്. മാഞ്ചസ്റ്റര്‍ കളിക്കുന്നത് ഏറ്റവും മികച്ച ഫുട്ബോളാണെന്നും കാര്യങ്ങള്‍ മാറിമറിഞ്ഞേക്കാം എന്നാലും താന്‍ ഏറ്റവും സാധ്യത കല്‍പ്പിക്കുന്നത് മാഞ്ചസ്റ്റര്‍ യുണൈറ്റഡിനാണെന്നും ബ്രസീലിന്‍റെയും എ സി മിലാന്‍റെയും മികച്ച താരം വ്യക്തമാക്കുന്നു.

ലോകത്തില്‍ ഇന്നുള്ളതില്‍ വച്ച് ഏറ്റവും മിടുക്കനായ കളിക്കാരനാണ് ക്രിസ്ത്യാനോ എന്ന് ഇറ്റലിയിലെ സ്കൈ സ്പോര്‍ട്‌സിനോടാണ് കാക പറഞ്ഞത്. ഇത്തവണത്തെ മികച്ച താരത്തിനുള്ള ബാള്ളന്‍ ഡി ഓര്‍ പുരസ്ക്കാരവും കാക കല്‍പ്പിക്കുന്നത് ക്രിസ്ത്യാനോയ്‌ക്കാണ്. കഴിഞ്ഞ തവണ ഈ പുരസ്ക്കാരം നേടിയ താരമാണ് കാക.

കഴിഞ്ഞ തവണ സ്വന്തം മിലാനെ കപ്പ് നേടുന്നതിനു സഹായിച്ച കാകയ്‌ക്ക് ഇത്തവണ ടീമിനെ മുന്നോട്ട് നയിക്കാനായില്ല. എന്നാല്‍ ഒരു പക്ഷേ ഇംഗ്ലീഷ് ക്ലബ്ബുകള്‍ കലാശക്കളി കളിച്ചേക്കാനും മതിയെന്ന് വിലയിരുത്തുന്നു. പതിവ് പോലെ ഇംഗ്ലീഷ് ടീമുകള്‍ മികച്ച ഫുട്ബോളാണ് കളിക്കുന്നതെന്നും ഇംഗ്ലീഷ് ഫൈനലാ‍ണ് പ്രതീക്ഷിക്കുന്നതെന്നും കാക പ്രവചിക്കുന്നു.

മാഞ്ചസ്റ്ററിനു അഭിമുഖമായി ചെല്‍‌സിക്കാണ് താരം സാധ്യത കല്‍പ്പിക്കുന്നത്. ഈ കളിയില്‍ ഇപ്പോഴത്തെ മികച്ച താരം ക്രിസ്ത്യാനോയുടെ പ്രകടനം നിര്‍ണ്ണായകമാകും. ലോക നിലവാരത്തില്‍ കളിക്കുന്ന താരമാണ് ക്രിസ്ത്യാനോ. മികച്ച താരത്തെ തെരഞ്ഞെടുക്കാന്‍ വേണ്ടി വരുന്ന മറ്റ് മാനദണ്ഡങ്ങള്‍ യൂറോയില്‍ പ്രതിഫലിക്കുമെന്നും കാക വ്യക്തമാക്കി.

ലണ്ടന്‍: | WEBDUNIA| Last Modified വെള്ളി, 11 ഏപ്രില്‍ 2008 (16:26 IST)
അതു പോലെ തന്നെ ബാഴ്‌സിലോണയുടെ അര്‍ജന്‍റീന താരം ലയണെല്‍ മെസ്സിയുടെയും ലിവര്‍പൂളിന്‍റെ സ്പാനിഷ് ഗോളടിവീരന്‍ ഫെര്‍ണാണ്ടോ ടോറസിന്‍റെ പ്രകടനവും മഹനീയമാണെന്ന് കാക പറയുന്നു. സ്വന്തം ടീമായ എ സി മിലാന്‍ അടുത്ത തവണയും ചാമ്പ്യന്‍സ് ലീഗ് കളിക്കുമെന്ന് തന്നെയാണ് കാക പ്രതീക്ഷിക്കുന്നത്. ഇറ്റാലിയന്‍ സീരി എ യില്‍ ആറ് മത്സരങ്ങള്‍ ഇനിയും ബാക്കി നില്‍ക്കുമ്പോള്‍ ലീഗ് പട്ടികയില്‍ നാലാമതാണ് സാന്‍സീറൊ ക്ലബ്ബ്


ഇതിനെക്കുറിച്ച് കൂടുതല്‍ വായിക്കുക :