രാമായണപാരായണം - മുപ്പത്തൊന്നാം ദിവസം

WEBDUNIA|

പ്രാപിച്ചു താരകബ്രഹ്മവും ധ്യാനിച്ചു
താപത്രയവുമകന്നു വാണീടിനാര്‍.

സച്ചില്‍‌പരബ്രഹ്മപൂര്‍ണ്ണമാത്മാനന്ദ&
മച്യുതമദയമേകമനാമയം
ഭാവനയാ ഭഗവല്പദാംഭോജവും
സേവിച്ചിരുന്നാല്‍ ജഗത്ത്രയവാസികള്‍
സിംഹാസനോപരി സീതയാ സംയുതം
സിംഹപരാക്രമം സൂര്യകോടിപ്രഭം
സോദരവാനരതാപസരാക്ഷസ&
ഭ്രുദേവവൃന്ദനിഷേവ്യമാണം പരം
രാമമഭിഷേകതീര്‍ത്ഥാര്‍ദ്രവിഗ്രഹം
ശ്യാമളം കോമളം ചാമീകരപ്രഭം
ചന്ദ്രബിംബാനനം ചാര്‍വായതഭുജം
ചന്ദ്രികാമന്ദഹാസോജ്ജ്വലം രാഘവം
ധ്യാനിപ്പവര്‍ക്കിഷ്ടാസ്പദംകണ്ടുക&
ണ്ടാനന്ദമുള്‍ക്കൊണ്ടിരുന്നിതെല്ലാവരും.

വാനരാദികള്‍ക്ക് അനുഗ്രഹം

വിശ്വഭരാ പരിപാലനവും‌ചെയ്തു
വിശ്വനാഥന്‍ വസിച്ചീടും ദശാന്തരേ
സസ്യസമ്പൂര്‍ണ്ണമായ്‌വന്നിതവനിയു&
മുത്സവയുക്തങ്ങളായി ഗൃഹങ്ങളും
വൃക്ഷങ്ങളുമെല്ലാമതിസ്വാദുസംയുത
പക്വങ്ങളോടു കലര്‍ന്നു നിന്നീടുന്നു.
ദുഗ്ഗന്ധപുഷ്പങ്ങളെക്കാലമൂഴിയില്‍
സല്‍ഗന്ധയുക്തങ്ങളായ്‌വന്നിതൊക്കവേ.
നൂറായിരം തുരഗങ്ങള്‍ പശുക്കളും
നൂരുനൂറായിരത്തിന്‍‌പുറം പിന്നെയും
മുപ്പതുകോറ്റി സുവര്‍ണ്ണഭാരങ്ങളും
സുബ്രാഹ്മണര്‍ക്കുകൊടുത്തു രഘൂത്തമന്‍.
വസ്ത്രാഭരണമാല്യങ്ങളസംഖ്യമായ്
പൃത്ഥ്വീസുരോത്തമന്മാര്‍ക്കും നല്‌കീടിനാന്‍.
സ്വര്‍ണ്ണരത്നോജ്ജ്വലം മാല്യം മഹാപ്രഭം
വര്‍ണ്ണവൈചിത്ര്യമനഘമനുപമം
ആദിത്യപുത്രനു നല്‌കീടിനാനാദരാല്&
ലാദിത്യേയാധിപപുത്രതനയനും
അംഗദദ്വന്ദം കൊറ്റുത്തോരനന്തരം
മംഗലപാംഗിയാം സീതയ്ക്കു നല്‌കിനാന്‍
മേരുവും ലോകത്രയവും കൊടുക്കിലും
പോരാ വിലയതിനങ്ങിനെയുള്ളൊരു
ഹാരം കൊടുത്തതു കണ്ടു വൈദേഹിയും
പാരം പ്രസാദിച്ചു മന്ദസ്മിതാന്വിതം.

അനുബന്ധ വാര്‍ത്തകള്‍

ഇതിനെക്കുറിച്ച് കൂടുതല്‍ വായിക്കുക :

രാമായണ പാരായണം മുപ്പത്തൊന്നാം ദിവസം