ചൊവാഴ്ച മത്സര സമയം പൂര്‍ത്തിയായപ്പോള്‍ ലിവര്‍പൂള്‍ ഒരു ഗോള്‍ നേടി വിജയികളായി. എന്നാല്‍ ആദ്യ പാദ സെമിയില്‍ ചെല്‍സയുടെ വിജയവും ഒരു ഗോളിനായതിനാല്‍ ഫൈനലിസ്റ്റുകളെ നിശ്ചയിക്കാനായി കളി എക്സ്ട്രാ ടൈമിലേക്ക് കടക്കുകയായിരുന്നു. എക്സട്രാ ടൈമില്‍ ഗോളൊന്നും പിറക്കാതെ വന്നതോടെയാണ് സെമി വിജയിയെ കണ്ടെത്താന്‍ പെനാല്‍ട്ടി ഷൂട്ടൌട്ട് വേണ്ടി വന്നത്.
കളിയുടെ ഇരുപത്തി രണ്ടാം മിനിറ്റില്‍ ഡാനിയേല്‍ ഏഗ്ഗെര്‍ നേടിയ ഗോളാണ് ലിവര്‍പൂളിന് അവസരം തുറന്ന് കൊടുത്തത്.എക്സ്ട്രാ ടൈമിന്‍റെ ആദ്യ പകുതിയില്‍ ഡിര്‍ക്ക് ക്വയറ്റ് ചെല്‍സയുടെ വല ചലിപ്പിച്ചെങ്കിലും ഇത് ഓഫ്സൈഡായിരുന്നു.
ഈ വിജയത്തോടെ സീസണിലെ നാലു കിരീടമെന്ന അത്ഭുത നേട്ടത്തിനരികില്‍ എത്തിയിരിക്കുകയാണ് ലിവര്‍പൂള്‍.പ്രീമിയര്‍ ലീഗില്‍ മാഞ്ചസ്റ്റര്‍ യുണൈറ്റഡിനു പിന്നിലായേക്കാമെന്ന കുറവ്‌ യുവേഫയില്‍ തീര്‍ക്കുകയാണ്‌ ലക്‍ഷ്യവുമായാണ് ലിവര്‍പൂള്‍ ഫൈനലിനിറങ്ങുന്നത്.
