അനുബന്ധ വാര്ത്തകള്
- ക്രൊയേഷ്യക്കെതിരായ ജയത്തോടെ മെസി സ്വന്തം പേരിലാക്കിയത് നിരവധി റെക്കോഡുകള്
- ഫ്രാന്സ് ഫുട്ബോള് ടീമിന് മുഖ്യമന്ത്രിയുടെ അഭിനന്ദനം, അംബസഡറുമായി കൂടിക്കാഴ്ച നടത്തി
- 6 വയസ്സുള്ളപ്പോൾ 91ലെ ക്രൊയേഷ്യൻ യുദ്ധത്തിൽ മുത്തച്ഛൻ കൊലചെയ്യപ്പെട്ടു, വീടിന് തീയിട്ടു: കുഞ്ഞ് ലൂക്ക വളർന്നത് അഭയാർഥിയായി
- ഡിമരിയയും ഡിപോളും ആദ്യ ഇലവനിലെത്തും, അക്യൂന മോണ്ടിയേൽ എന്നിവരെ നഷ്ടമായത് പ്രതിസന്ധി സൃഷ്ടിക്കില്ല: സ്കലോണി
- ക്രൊയേഷ്യക്ക് കളിയറിയാം, പക്ഷേ ഇത് ഫുട്ബോളാണ്, മികച്ച ടീം തന്നെ വിജയിക്കണമെന്നില്ല: സ്കലോണി
ലോകകപ്പിലെ ഒരു പക്ഷേ അവസാന മത്സരമാകാം, ഫൈനൽ മത്സരത്തിന് മുന്നെ മെസ്സി
ഖത്തറിലെ ഫൈനലിന് ശേഷം ലോകകപ്പിൽ നിന്നും വിരമിക്കുമെന്ന സൂചന നൽകി സൂപ്പർ താരം ലയണൽ മെസ്സി. ക്രൊയേഷ്യയ്ക്കെതിരായ സെമി ഫൈനൽ മത്സരത്തിൽ ഗോൾ നേടുകയും ജൂലിയൻ ആൽവാരസ് നേടിയ 2 ഗോളുകൾക്ക് മെസ്സി വഴിയൊരുക്കുകയും ചെയ്തിരുന്നു. മത്സരശേഷമാണ് താരം ഇക്കാര്യം വ്യക്തമാക്കിയത്.
ലോകകപ്പിലെ എൻ്റെ യാത്ര ഒരു ഫൈനലിൽ അവസാനിപ്പിക്കാനായതിൽ അവസാനമത്സരമായി ഒരു ഫൈനൽ കളിക്കാൻ സാധിക്കുന്നതിൽ ഞാൻ സന്തുഷ്ടനാണ്. അർജൻ്റീനയിൽ എത്രമാത്രം ആസ്വദിച്ചെന്ന് കാണുമ്പോൾ ഈ ലോകകപ്പിലെ എൻ്റെ ഓരോ നിമിഷവും വികാരനിർഭരമാണ്. അടുത്തതിനായി ഇനിയും ഒരുപാട് വർഷങ്ങളുണ്ട്. എനിക്കത് ചെയ്യാനാകുമെന്ന് തോന്നുന്നില്ല. ഈ രീതിയിൽ അവസാനിപ്പിക്കുന്നതാണ് നല്ലത്. മെസ്സി പറഞ്ഞു.
ക്രൊയേഷ്യക്കെതിരായ സെമി ഫൈനലിൽ ഗോളടിക്കുകയും അസിസ്റ്റ് നൽകുകയും ചെയ്ത മെസ്സി നിരവധി റെക്കോർഡുകൾ തൻ്റെ പേരിൽ കുറിച്ചിരുന്നു. 1966ന് ശേഷം ഒരു ഫുട്ബോൾ ലോകകപ്പിലെ 3 വ്യത്യസ്ത മത്സരങ്ങളിൽ ഗോളും അസിസ്റ്റും നേടുന്ന ആദ്യതാരമെന്ന നേട്ടവും മെസ്സി സ്വന്തമാക്കി.
