അനുബന്ധ വാര്ത്തകള്
- എംജിയുടെ ഗ്ലോസ്റ്റർ എസ്യുവി ഉടൻ വിപണിയിലേയ്ക്ക്, വരവറിയിച്ച് പുതിയ ടീസർ, വീഡിയോ !
- 64 എംപി ക്വാഡ് ക്യാമറ, 65W ഫാസ്റ്റ് ചാർജിങ്, റിയൽമി 7 പ്രോ വിപണിയിൽ
- ഏത് സാഹചര്യവും നേരിടാൻ സൈന്യം സജ്ജം, അതിർത്തിയിൽ മാറ്റം വരുത്താൻ അനുവദിയ്ക്കില്ല: എംഎം നരവനെ
- 'മോദിയെ കൊലപ്പെടുത്തുക'; എൻഐഎയ്ക്ക് അജ്ഞാത സന്ദേശം, പ്രധാനമന്ത്രിയുടെ സുരക്ഷ വർധിപ്പിച്ചു
- ലഹരിമരുന്ന് ഇടപാടുകാരുമായി ബന്ധം: സുശാന്തിന്റെ മാനേജർ സാമുവൻ മിറാൻഡ എൻസിബി കസ്റ്റഡിയിൽ
മെസ്സി ബാഴ്സയിൽ തന്നെ തുടർന്നേക്കും, സൂചന നൽകി പിതാവ്
സൂപ്പര് താരം ലെയണല് മെസി ബാഴ്സയില് തന്നെ തുടര്ന്നേക്കുമെന്ന് റിപ്പോര്ട്ടുകള്. ബാഴ്സലോണ കടുംപിടുത്തത്തിൽ ഉറച്ചുനിൽക്കുന്നു എന്നാണ് വിവരം. മെസിയുടെ ഏജന്റ് കൂടിയായ പിതാവ് ജോര്ജി ബാഴ്സലോണ ക്ലബ് പ്രസിഡന്റ് ജോസപ് മരിയ ബര്ത്തോമ്യുവുമായി നടത്തിയ ചര്ച്ചയ്ക്ക് പിന്നാലെയാണ് മെസ്സി ഒരു വർഷം കൂടി ബാഴ്സയിൽ തുടരാൻ സാധ്യതയുള്ളതായി പിതാവ് തന്നെ വ്യക്തമാക്കിയത്.
മെസ്സി ബാഴ്സയില് ഒരു വര്ഷം കൂടി തുടരാന് സാദ്ധ്യതയുണ്ടോ എന്ന മാധ്യമ പ്രവര്ത്തകരുടെ ചോദ്യത്തിന് 'അതെ' എന്നായിരുന്നു പിതാവ് ജോര്ജിയുടെ മറുപടി. കരാർ പൂർത്തിയാക്കാതെ മടങ്ങിയാൽ വമ്പൻ തുക തന്നെ റിലീസ് ക്ലോസായി നൽകേണ്ടിവരും എന്നതിനാലാണ് പിൻമാറ്റം. മെസ്സി നിലപാടിൽ അയവ് വരുത്തിയതായാണ് വിവരം.
2021 വരെ ബാഴ്സലോണയുമായി മെസ്സിയ്ക്ക് കരാർ ഉണ്ട്. ഇത് പൂർത്തിയാക്കാതെ ക്ലബ്ബ് വിടാൻ തീരുമാനിച്ചാൽ കരാര് അനുസരിച്ച് 700 ദശലക്ഷം യൂറോയാണ് നൽകേണ്ടിവരിക. ഏകദേശം 6,150 കോടിയോളം രൂപ വരും ഇത്. ക്ലബ്ബ് വിടുകയാണെങ്കിൽ റിലീസ് വ്യവസ്ഥ പാലിയ്ക്കേണ്ടിവരും എന്ന നിലപാടിൽ ബാഴ്സലോണ ഉറച്ചുനിൽക്കുകയാണ്. താരം 90 ശതമാനവും ബാഴ്സയില് തന്നെ തുടരുമെന്ന് അര്ജന്റീന ടിവി ചാനലായ ടിവൈസി സ്പോര്ട്സ് റിപ്പോര്ട്ട് ചെയ്യുന്നു.
അടുത്ത ലേഖനം
