കോപ്പ അമേരിക്ക ഫുട്‌ബോളിൽ പെറുവിന് ജയം. ഏകപക്ഷീയമായ ഒരു ഗോളിന് വെനസ്വേലയെയാണ് പെറു
പരാജയപ്പെടുത്തിയത്. എഴുപത്തിരണ്ടാം മിനിറ്റിൽ ക്യാപ്റ്റൻ കൗഡിയോ പിസാറോ ആണ് പെറുവിന്റെ വിജയഗോൾ നേടിയത്.

ജയത്തോടെ പെറു ക്വാര്‍ട്ടര്‍ സാധ്യത നിലനിര്‍ത്തി. മത്സരത്തിന്റെ 29-ാം മിനിറ്റില്‍ ഫെര്‍ണാണ്ടോ ചുവപ്പ് കാര്‍ഡ് കിട്ടി പുറത്തായതാണു വെനിസ്വേലയ്ക്കു തിരിച്ചടിയായത്. പെറുവിന്റെ പോളോ ഗുറിറോയെ ചവിട്ടി പരുക്കേൽപ്പിച്ചതിനെ തുടർന്നാണ് ഫെർണാൻഡോ ചുവപ്പു കാർഡ് കണ്ട് പുറത്തുപോയത്. പിന്നീട് 10 പേരുമായി കളിച്ച ടീമിനെതിരെ പെറുവിന് ജയിക്കാൻ ഒരു ഗോൾ തന്നെ ധാരാളമായിരുന്നു.