അനുബന്ധ വാര്ത്തകള്
- ഗോള് വീണു, പക്ഷേ മെസി ഓഫ് സൈഡായിരുന്നു!
- ഉന്തും തള്ളും പൂട്ടലും; ഇതിനിടയിലും പന്ത് വിട്ടുകൊടുക്കാതെ മെസി, വീഡിയോ പങ്കുവച്ച് കോപ്പ അമേരിക്ക
- മെസിയുടെ ഉഗ്രന് പാസ്, ലക്ഷ്യംകണ്ട് റോഡ്രിഗസ്; ഉറുഗ്വായിയെ തോല്പ്പിച്ച് അര്ജന്റീന
- കോപ്പയിൽ അർജന്റീനയും ഉറുഗ്വേയും നേർക്കുനേർ, മൈതാനത്ത് സൗഹൃദം കാണില്ലെന്ന് സുവാരസ്
- ഫ്രീ കിക്ക് ഗോളുകളുടെ എണ്ണത്തില് റൊണാള്ഡോയെ മറികടന്നു; ഉജ്ജ്വല ഗോളിന് ശേഷം മറഡോണ സ്റ്റൈല് ആഹ്ലാദപ്രകടനവുമായി മെസി
തോല്വി അറിയാതെ കോപ്പ അമേരിക്ക പ്രീ-ക്വാര്ട്ടര് ഉറപ്പിച്ച് അര്ജന്റീന; പരഗ്വായിയെ എതിരില്ലാത്ത ഒരു ഗോളിന് വീഴ്ത്തി
അര്ജന്റീന കോപ്പ അമേരിക്ക പ്രീ-ക്വാര്ട്ടറില്. ടൂര്ണമെന്റിലെ തങ്ങളുടെ മൂന്നാം മത്സരത്തില് പരഗ്വായിയെ തോല്പ്പിച്ചാണ് അര്ജന്റീന പ്രീ-ക്വാര്ട്ടര് ഉറപ്പിച്ചത്. രണ്ട് ജയവും ഒരു സമനിലയുമായാണ് അര്ജന്റീന ക്വാര്ട്ടറില് പ്രവേശിച്ചത്. ടൂര്ണമെന്റിലെ അവസാന മത്സരത്തില് ബൊളീവിയയാണ് അര്ജന്റീനയുടെ എതിരാളികള്.
പരഗ്വായിയെ എതിരില്ലാത്ത ഒരു ഗോളിനാണ് അര്ജന്റീന തോല്പ്പിച്ചത്. മത്സരത്തിന്റെ പത്താം മിനിറ്റിലാണ് അര്ജന്റീന ആദ്യ ഗോള് നേടിയത്. കാഴ്ചക്കാരായി നിന്ന പരഗ്വായ് പ്രതിരോധനിരയെ വിദഗ്ധമായി കബളിപ്പിച്ച് പാപ്പു ഗോമസ് ആണ് അര്ജന്റീനയ്ക്ക് വേണ്ടി ആദ്യ ഗോള് നേടിയത്. ഏയ്ഞ്ചല് ഡി മരിയയുടെ പാസാണ് ഗോമസ് ലക്ഷ്യത്തിലെത്തിച്ചത്. രണ്ടാം പകുതിയിലും അര്ജന്റീന ആക്രമിച്ചു കളിച്ചു. എന്നാല്, ലീഡ് ഉയര്ത്താന് സാധിച്ചില്ല.
ഗ്രൂപ്പില് ഏഴ് പോയിന്റുമായാണ് അര്ജന്റീന പ്രീ-ക്വാര്ട്ടറിലെത്തുന്നത്. ആദ്യ മത്സരത്തില് ചിലെയ്ക്ക് എതിരെ അര്ജന്റീന 1-1 എന്ന നിലയില് സമനില വഴങ്ങുകയായിരുന്നു. രണ്ടാം മത്സരത്തില് ഉറുഗ്വായിയെ എതിരില്ലാത്ത ഒരു ഗോളിന് തോല്പ്പിക്കുകയും ചെയ്തു.
അടുത്ത ലേഖനം
