ബാഴ്സലോണ സ്പാനിഷ് കപ്പ് ഫുട്‌ബോളിന്‍റെ ക്വാര്‍ട്ടര്‍ ഫൈനലില്‍ കടന്നു. ഇരുപാദങ്ങളിലായി നടന്ന കളിയില്‍ അത്‌ലറ്റിക്കോ മാഡ്രിഡിനെ 5-2ന് പരാജയപ്പെടുത്തിയാണ് ബാഴ്സലോണ ക്വാര്‍ട്ടറില്‍ കടന്നത്.
ഒന്നാം പാദം 3-1ന് ജയിച്ച ബാഴ്സലോണ രണ്ടാം പാദത്തില്‍ 2-1 വിജയവുമായി ക്വാര്‍ട്ടര്‍ ഉറപ്പിക്കുകയായിരുന്നു. സ്പാനിഷ് ലീഗ് ഫുട്‌ബോളില്‍ ഒന്നാം സ്ഥാനത്തുമുന്നേറുന്ന ഇവര്‍ സാമുവല്‍ എറ്റൂ, ലയണല്‍ മെസ്സി, തിയറി ഹെന്റി, ഗാര്‍ഡിയോള തുടങ്ങിയ മുന്‍നിരക്കാരെക്കൂടാതെയാണ് അത്‌ലറ്റിക്കോക്കെതിരെ കളിക്കാനിറങ്ങിയത്.
