സത്യന് അന്തിക്കാടിന്‍റെ പുതിയ ചിത്രം - ഒരു ഇന്ത്യന് പ്രണയകഥ!
WEBDUNIA|
PRO
ഷൂട്ടിംഗ് തീരാറാകുമ്പോള്‍ മാത്രം സിനിമയ്ക്ക് പേരിട്ടിരുന്ന സത്യന് അന്തിക്കാട് ആ രീതിയൊക്കെ മാറ്റുകയാണ്. ഇത്തവണ സിനിമയുടെ ഷൂട്ടിംഗ് തുടങ്ങിയപ്പോള്‍ തന്നെ പടത്തിന് പേരിട്ടു - ഒരു ഇന്ത്യന് പ്രണയകഥ!
ഈ പ്രണയകഥയിലെ നായകന്‍ ഫഹദ് ഫാസിലും നായിക അമല പോളുമാണ്. തിരക്കഥ ഇക്ബാല്‍ കുറ്റിപ്പുറം. സത്യന് അന്തിക്കാടും ഇക്ബാല്‍ കുറ്റിപ്പുറവും ഒത്തുചേരുന്നത് ഇതാദ്യമാണ്. ഫഹദ്, അമല പോള് എന്നിവരെല്ലാം സത്യന് ചിത്രത്തില്‍ ആദ്യമായി എത്തുകയാണ്.
വേറെയുമുണ്ട് പുതുമകള്‍. സത്യന് അന്തിക്കാടിന്‍റെ ചിത്രങ്ങള്‍ക്ക് സ്ഥിരമായി സംഗീതം പകര്‍ന്നിരുന്ന ഇളയരാജ ഇത്തവണയില്ല. പകരം വിദ്യാസാഗറാണ് സംഗീതം. കുറച്ചുകാലമായി സ്ഥിരം ക്യാമറാമാനായിരുന്ന വേണുവിനെയും ഇത്തവണ സത്യന് അന്തിക്കാട് ഒഴിവാക്കിയിട്ടുണ്ട്. പ്രദീപ് നായരാണ് ഛായാഗ്രഹണം നിര്‍വഹിക്കുന്നത്.
ഗാനരചന റഫീക്ക് അഹമ്മദ് ആണ്. സെന്‍‌ട്രല്‍ പിക്ചേഴ്സ് ആണ് നിര്‍മ്മാണം. കോട്ടയമാണ് ‘ഒരു ഇന്ത്യന് പ്രണയകഥ’യുടെ പ്രധാന ലൊക്കേഷന്‍.
